म्याग्दी समाज कोरिया ब्लग

फेब्रुअरी १२ तारिख म्याग्दी समाज नवौं कार्य समितिको पहिलो बैठक बस्ने

2012-02-02T04:27:00.000-08:00

म्याग्दी समाज समिति दक्षिण कोरियाको नव गठित नवौं कार्य समितिको पहिलो बैठक आगामी हप्ताको आईतबार अर्थात फेब्रुअरी १२ तारिख आईतबारको दिन बस्ने भएको छ । कार्य समितिको पहिलो बैठकले बैठकको पहिलो चरणमा नवौ कार्य समितिको सल्लाहकार सदस्यहरु र म्याग्दी समाज खेलकूद समितिको चयन गर्ने छ भने बैठकको दोश्रो चरणमा म्याग्दी अस्पतालको आकष्मिक कक्ष निर्माण कार्यलाई छिटो भन्दा छिटो अगाडी बढाउन सकिने सम्भावित उपायहरु माथि थप छलफल गरिने छ ।
स्थान-ओईदे स्थित नमस्ते रेष्टुरेण्टको माथिल्लो तल्ला ।
मिति-२०१२ फेब्रुअरी १२ आईतबार ।
समय- दिनको १२ बजे ।
थप बिबरण

साथै मे महिनाको २७ तारिख आईतबारको दिन आयोजना गर्न गई रहेको प्रतिष्प्रर्धात्मक भलिबल खेल म्याग्दी रनिङ कपको बिशेष तयारी सम्बन्धि छलफल गरिने छ । बैठक स्थल राजधानी सउलको ओईदे स्थित नमस्ते रेष्टुरेण्टको माथिल्लो तल्ला (तिहार कार्यक्रमको आयोजना गरेको हल) मा निश्चित भएको हुनाले यसै सुचनालाई आधार मानि नवौं कार्य समितिका पदाधिकारीहरु ,भुपु सल्लाहकारज्युहरु, खेलाडी साथीहरु लगायत म्याग्देली दाजुभाई तथा दिदी बहिनीहरुलाई उपस्थित भई दिनु हुन हार्दिक अनुरोध गरिन्छ ।

म्याग्दी समाजका सल्लाहकार बिनोद कुंवर एन आर एन च्यारिटी टास्क फोर्सको संयोजकमा मनोनित

2012-02-02T04:06:00.000-08:00

गैर आवासिय नेपाली संघ अन्तराष्ट्रिय समन्वय परिषदका अध्यक्ष जीवा लामिछानेको संयोजकत्वमा गठित परोपकार तथा लोक कल्याणकारी कार्यदल अर्थात "च्यारिटी टास्क फोर्स"मा म्याग्दी समाज समिति दक्षिण कोरियाका सल्लाहकार तथा एनआरएन कोरियाका पूर्व अध्यक्ष बीनोद कुँवरलाई नियूक्त गरिएको छ । कुँवरले उक्त कार्यदल प्रमूखको रुपमा दक्षिण कोरिया,चीन तथा ताइवान क्षेत्रको च्यारिटी सम्वन्धी काम हेर्ने बुझिएको छ । सो कार्यदलले तल उल्लेखित बुँदाहरुमा आफ्नो कार्य गर्ने संघले जनाएको छ । म्याग्दी समाज समिति दक्षिण कोरिया उहांको कार्यकालको उत्तरोत्तर प्रगतिको कामना गर्दछ ।

म्याग्दी समाज समिति धन्यबाद नदिइरहन कहा सक्छर ..

2012-01-30T14:09:00.000-08:00

जन्मभुमि म्याग्दी रहि कोरियालाइ कर्म भुमि बनाउदै आएका म्याग्देलि हरुको दुख सुख बिसाउने चौतारि हो म्याग्दी समाज। यिनै म्याग्देलीहरुको सहयोगमा समाजले कोरियामा आफ्नो गतिबिधिहरु गर्दै आइरहेको छ।यस प्रदेशी भुमिमा जे जति कार्यक्रम हुन्छ सम्पुर्ण नेपालिहरुको सहयोग र बिशेषत म्याग्देलि हरुको सहयोग रहने गर्दछ। ंम्याग्दी सामाज आठौ कार्यसामिति पार गर्दै गत हप्ता देखी उल्लेख्य म्याग्देलिहरुको उपस्थितिमा नया कार्यसामिति चयन गर्दै नवौ कार्यसमितिमा प्रबेश गरेको छ।

यहा हरु आफ्नो ब्यस्तताका बाबजुत पनि उपस्थित भइ आ-आफ्नो तर्फबाट गर्नु भएको सहयोग प्रति समाज हार्दिक धन्यबाद ब्यक्त गर्दछ। साथै सो दिन समाजलाइ बिशेष सहयोग गर्नुहुने घार निवासि श्री राम बहादुर क्षत्री प्रति म्याग्दी समाज बिशेष धन्यबाद ब्यक्त गर्दछ। पछिल्ला दिनहरुमा पनि यहाहरुको सहयोगको अपेक्षा राख्दछौ।

म्याग्देली चेली लिला रामजालीबाट सहयोगी सबैलाई फेशबुक मार्फत धन्यबाद ज्ञापन

2012-01-24T19:38:00.000-08:00

Lila Ramjali
korea ma rahenu vayaka jati pani nepali daju bhae dd bahini harule malae sahayog garnu vayako ma dharae dharae dhannebat bises gari myagdi samaj korea le gareko sahayog parti aabhar bekta garda6u thanku myagdi samaj korea
ठूलो दुर्घटनामा परेकी म्याग्देली चेली लिला रामजालीबाट आफूलाई सहयोग गर्ने सबै नेपाली दाजुभाई तथा दिदी बहिनीहरुलाई आफ्नो फेशबुकको स्टाटस मार्फत धन्यबाद ज्ञापन गरेकी छिन । साथै म्याग्दी समाज कोरियाको सकृयता प्रति समेत हार्दिक आभार र धन्यबाद ब्यक्त गरेकी छिन ।

दुबै हात गुमाएकी म्याग्देली चेली लिला रामजालीको सहयोगार्थ ५० लाख ओन भन्दा बढि संकलन

2012-01-24T18:26:00.000-08:00

म्याग्दी जिल्ला कुंहु गाबिसबाट ईपियस भीषा मार्फत कोरिया आई कार्यरत रहंदा कम्पनीको मेशिनमा दुबै हात परि दुबै हातको पन्जा लगाउने भाग सम्म गुमाउन पुगेकी बर्ष २३ की लिला रामजालीको सहयोगार्थ म्याग्दी समाज समिति दक्षिण कोरियाले शुरु गरेको चन्दा सहयोग संकलन कार्य सन्तोष जनक रुपमा अगाडी बढिरहेको छ । कोरियाली महान पर्व सलनालको अबसरमा कोरिया स्थित गोरखा परिवार र मुस्ताङ परिवारले आयोजना गरेको सांस्कृतिक कार्यक्रमबाट हजारौ प्रवासी नेपाली दाजुभाई तथा दिदी बहिनीहरुले सहयोग गरेका छन । जसमध्य, पहिलो दिनको गोरखा परिवारको कार्यक्रमका हजारौं दर्शकहरुबाट:- २० लाख २१ हजार ३०० ओन र दोश्रो दिन सम्पन्न मुस्ताङ परिवारको कार्यक्रमका हजारौं दर्शकहरुबाट:- २४ लाख २७ हजार ८०० ओन गरि दुई दिनको कार्यक्रमबाट जम्मा:- ४४ लाख ४८ हजार १०० ओन संकलन गरिएको छ । कोरियामा रहेका हरेक म्याग्देलीहरुलाई न्युनतम २०,००० वनको दरले अनिबार्य गराईएकोले हाल संकलित र संकलन हुन बांकी रकमलाई यथासिघ्र छिटो संकलन गरि बिरामीलाई हष्तान्तरण गरिने छ । साथै चन्दा संकलन कार्यमा सहयोग गर्नु हुने चेलीबेटी लगायतका कार्य समितिका पदाधिकारीहरुलाई म्याग्दी समाजका नव नियुक्त अध्यक्ष श्री भरत तुलाचनले हार्दिक धन्यबाद ब्यक्त गर्नु भएको छ ।

भरत तुलाचनको अध्यक्षतामा १८ सदस्सीय नवौ कार्य समितिको चयन

2012-01-24T02:23:00.000-08:00

गत आईतबार राजधानी सउलको दोङदेमुनमा सम्पन्न म्याग्दी समाज समिति दक्षिण कोरियाको नवौ साधारण सभाले सातौ र आठौ कार्य समितिका सचिव भरत तुलाचनको अध्यक्षतामा १८ सदस्सीय नवौ कार्य समितिको चयन गरेको छ । सभाले नवौ कार्य समितिलाई सशक्त रुपमा अगाडी बढाउन ३ जना उपाध्यक्ष रहने सक्ने गरि बिधानमा थप गरेको छ । प्राय नयां अनुहारको बाहुल्यता रहेको नवौ कार्य समितिको बिबरण यस्तो छ ।

अध्यक्ष-भरत तुलाचन (छिस्बाङ)

उपाध्यक्ष-सुवाष श्रेष्ठ (बेनी)
उपाध्यक्ष-रामकृष्ण पुन (शिख पाउदार)
उपाध्यक्ष-लोक बानियां (पुलाचौर)
सचिव- बाबुराम शर्मा (पुलाचौर)
सह सचिव- कर्ण पाईजा मगर (भुरुङ तातोपानी)
कोषाध्यक्ष- मनु रोका (नेटा)
सह- कोषाध्यक्ष- आकाश केसी ( ताकम)
सदस्यहरुमा- सुशिला रामजाली(बेनी) लोक भट्टराई (बिम ) पुर्ण तुलाचन(छिस्बाङ) याम हर्मेल ( ताकम)सेखर राना(घतान ) सलिना श्रेष्ठ(बेनी) गणेश रिजाल(राखु ) भिम माया पुन(घोरेपानी) रेशम छन्त्याल(मल्कबाङ) र मनाराम पुन ( ) रहनु भएको छ ।

म्याग्दी समाज समितिको नवौ साधारण सभा भब्यताको साथ सम्पन्न,

2012-01-22T20:28:00.000-08:00

म्याग्दी समाज समिति दक्षिण कोरियाको नवौ साधारण सभा कोरियाको राजधानी सउलको दोङदेमुन स्थित नमस्ते रेष्टुरेण्टमा भब्यताको साथ सम्पन्न भएको छ । म्याग्दी समाजका अध्यक्ष श्री नर बहादुर पुनको सभापतित्व र एन आर एन कोरियाका भुपु अध्यक्ष .श्री बिनोद कुंवरको प्रमुख आतिथ्यमा सम्पन्न नवौ साधारण सभाको बिशेष अतिथिहरुमा थसेस कोरियाका अध्यक्ष श्री भक्त सेरचन, म्याग्दी समाजका सल्लाहकार श्री ओम जुग्जाली, सल्लाहकार .श्री रबिन छन्त्याल,खेलकूद अध्यक्ष श्री झलक आचार्य,बरिष्ठ भलिबल खेलाडी श्री मुक्त केसी र बिशेष सल्लाहकार श्री यु कुमार मल्ल रहनु भएको थियो । करिव १२० जना म्याग्देलीहरुको बृहत उपस्थितिमा सम्पन्न साधारण सभामा कोषाध्यक्ष द्दय रत्न छन्त्याल र सुरेश राना मगरले आठौं कार्य समितिको दुई बर्षे कार्यकालको कोष सम्बन्धि सम्पूर्ण बिबरण पेश गर्नु भयो भने सचिव भरत तुलाचनले आठौं कार्य समितिको गतिबिधिहरु सहितको प्रतिबेदन पेश गर्नु भएको थियो । साथै उक्त साधारण सभाले भरत तुलाचको अध्यक्षतामा नवौ कार्य समितिको चयन गरेको छ ।

म्याग्दी जिल्ला सदरमुकाम बेनीबजारमा म्याग्दी महोत्सव सुरु

2012-01-13T15:22:00.000-08:00

मुल आयोजनामा शुक्रबार देखी सदरमुकाम बेनीबजारमा म्याग्दी महोत्सव तथा बहु-जिल्लास्तरिय कृषि औद्योगिक ब्यापारिक मेला सुरु भएको छ । उद्योग व्यापार र कलाको विकास गरौं संस्कृतिको संरक्षण गर्दै पर्यटनको प्रबर्धन गरौं भन्ने मुल नाराका साथ आयोजना हुन लागेको महोत्सवको नेपाल उद्योग वाणिज्य महासंघका बरिष्ठ उपाध्यक्ष भास्कर राज कर्णिकारले उद्घाटन गर्नुभएको थियो ।महोत्सवको अवसरमा विभिन्न जातिय संघसंस्था विद्यालय लगायतले तामधामका साथ बजार परिक्रमा गरेका थिए । More...

संविधान सभाका सदस्य गोविन्द पौडेल नेपाल उद्योग वाणिज्य महासंघका केन्द्रिय सदस्य प्रमोदकुमार श्रेष्ठ पश्मिाचल उद्योग वाणिज्य संघका अध्यक्ष सुर्यप्रसाद मसा्रनी पर्वत उद्योग वाणिज्य संघका अध्यक्ष एवम् धौलागिरि अाचल संयोजक होमनारायण श्रेष्ठ बाग्लुङ उद्योग वाणिज्य संघका अध्यक्ष बसन्तकुमार श्रेष्ठ लगायत विभिन्न राजनैतिक दल तथा संघसंस्थाको प्रतिनिधित्व रहेको थियो ।धौलागिरि अाचलका चारै जिल्ला बाग्लुङ पर्वत म्याग्दी र मुस्ताङ जिल्लाका बिभिन्न पर्यटकिय स्थानहरुको प्रचारप्रसार स्थानीय उत्पादनहरुको प्रदर्शनी तथा स्टलबाटै विकि्र वितरण भइरहेको म्याग्दी उद्योग वाणिज्य संघका अध्यक्ष एवम् मुल संयोजक कुविरकुमार श्रेष्ठले जानकारी दिनुभयो ।विगतका बर्षमा सदरमुकाम र आसापासका क्षेत्रमै केन्द्रित हुने महोत्सव यसपटक भने फिस्टेल हेलिकप्टरबाट धौलागिरि अाचलका प्रमुख पर्यटकीय क्षेत्रको अवलोकन गर्न ब्यवस्था समेत मिलाइएको छ । महोत्सवका लागि आवश्यक सुरक्षा ब्यवस्था समेत कडा बनाइएको छ । महोत्सवका प्रमुख आर्कषण हात्ती सयरलाई लिइएको छ । महोत्सवमा ल्याइएको हात्ती हेर्नका लागि गाउँगाउँबाट सर्वसाधारण आएका थिए ।

अाचलका बाग्लुङ पर्वत र म्याग्दीले प्रत्येक वर्ष आलोपालो गरि आयोजना गर्ने महोत्सवको यो वर्षको मुल आयोजक म्याग्दी उद्योग वाणिज्य संघ भएपनि सह आयोजकमा भने बाग्लुङ पर्वत र मुस्ताङ जिल्लाका उद्योग वाणिज्य संघहरु समेत छन् । महोत्सवलाई मध्यनजर गरेर बेनीबजार बेहुली जस्तै सजिएको छ । बेनीबजार बासीले महोत्सवका अवसरमा विभिन्न कार्यक्रमहरु साचालन गरिरहेका छन् । महोत्सवले स्थानिय उत्पादन तथा बस्तुको सहज रुपमै बजारीकरणमा सघाइरहेको छ । आगामी माघ ८ गते सम्म साचालन हुने महोत्सवमा एक लाख पर्यटक भित्राउने र करिव ७ करोडको कारोबार हुने आयोजकले जनाएको छ । म्याग्दी उद्योग वाणिज्य संघका महासचिव बेलबहादुर कटुवालले साचालन गर्नुभएको महोत्सवको स्वागत प्रथम उपाध्यक्ष जिवनकुमार विश्वकर्मा र अध्यक्ष कुविरकुमार श्रेष्ठले गर्नुभएको थियो ।

यसै हप्ताको आईतबार आठौं कार्य समितिको अन्तिम बैठक बस्ने

2012-01-10T05:51:00.000-08:00

यसै हप्ताको आईतबार अर्थात जनवरी १५ तारिखको दिन म्याग्दी समाज समिति दक्षिण कोरिया आठौं कार्य समितिको अन्तिम बैठक बस्दै छ । राजधानी सउलको दोङदेमुनमा बस्ने उक्त बैठकले दुई बर्षे कार्याब्धिको सम्पूर्ण आर्थिक हिसाब बिबरण तयार गर्नुको साथै आगामी सलनालको पहिलो दिन सम्पन्न हुन गईरहेको नवौं साधारण सभाको बिशेष तयारी गर्ने छ । नवौं साधारण सभाको बिशेष तयारी स्वरुप बस्न लागेको आठौं कार्य समितिको अन्तिम बैठकमा सहभागि हुन कार्य समितिका सम्पूर्ण पदाधिकारीहरु तथा सल्लाहकार सदस्य ज्युहरुलाई तल उल्यखित स्थान र समयमा अनिवार्य उपस्थित भईदिनु हुन हार्दिक अनुरोध गरिएको छ ।

स्थान: दोङदेमुन स्थित डांडा गाऊं

समय: दिनको १२ बजे ।

म्याग्दी समाज आठौ कार्य समितिको दोश्रो साधारण सभा जनवरी २२ मा सम्पन्न हुने

2011-12-25T03:08:00.000-08:00

म्याग्दी समाज आठौ कार्य समितिको दोश्रो साधारण सभा जनवरी २२ मा सम्पन्न हुने भएको छ । सभा स्थलको निश्चित अझै भई नसकेता पनि कोरियाको महान पर्व सल्नालको दोश्रो दिनको ५ बजे देखि रातको १२ बजे सम्म सम्पन्न गर्ने निर्णय भएको छ । साथै म्याग्दी समाज समिति दक्षिण कोरियाको १९ औ नियमित बैठकले नयां बर्ष २०१२ भब्यताको साथ मनाउने निर्णय गरेकोमा बिबिध कारणवश रद्द गरिएको छ ।

म्याग्दी समाज समितिका बर्तमान उपाध्यक्ष बरुवाल ज्युको बिदाइ कार्यक्रम भब्यताकासाथ सम्पन्न

2011-12-24T10:57:00.000-08:00

समाजका अध्यक्ष प्रसंशा पत्र प्रादान गर्दै

म्याग्दी समाज समिति दक्षिण कोरियाका बर्तमान उपाध्यक्ष श्री नारायण बरुवाल ज्यु को बिदाइ कार्यक्रम तुनदेमुन को एक कोरियन होफ मा भव्यताका साथ सम्पन्न भयो | आज बेलुकी करिब ९ बजे बाट शुरु भएको कार्यक्रम राति १ बजे सम्म चलेको थियो सो कार्यक्रम अनौपचारिक भेटघाटको रुपमा रहेता पनि म्याग्देली हरुको उपस्थिति र नारयण बरुवाल ज्यु को योगदान को कदर गर्दै एका एक म्याग्देली हरुको ठुलै जमघट भएकाले भेटघाट कार्यक्रम औपचारिक रुपमै बिदाइ कार्यक्रम मा परिवर्तन भएको थियो | सो कार्यक्रम समाजका सचिब भरत तुलाचनको संचालन अध्यक्ष नर बहादुर पुन को सभापतित्व जनजाती महासंघ कोरियाका उपाध्यक्ष तथा समाजका सलाहकार भक्त शेरचन नव आगन्तुक पुराना खेलाडी रामकृष्ण तिलिजा उपाध्यक्ष नारायण बरुवाल ज्यु को आतिथ्यमा कार्यक्रम शुरु भएको थियो| उपस्थित सम्पूर्णलाई समाजका सहसचिब बाबुराम शर्माले स्वागत मन्तब्यद्ररा स्वागत गर्नुभएको थियो |

नारायण बरुवाल ज्युलाई समाजका अध्यक्षले उहाको योगदानको कदर गर्दै दोशल्ला ओढाएर र प्रसंशा पत्र प्रदान गर्दै सम्मान गर्नुभयो सो कार्यक्रममा नबआगन्तुक पुराना खेलाडी रामकृष्ण तिलिजा ज्यु लाइ पनि खादा ओढाएर स्वागत गरिएको थियो |

बर्तमान उपाध्यक्ष श्री नारायण बरुवाल ज्यु यहि डिसेम्बर २७ तारिख क दिन बिहान १० बजेको उडान मार्फत आफ्नै जन्म भुमि फर्कदै हुनुहुन्छ |

फोटोहरु हेर्नलाई यहा क्लिक गर्नुहोला

म्याग्दी समाज समितिका बर्तमान उपाध्यक्ष नेपाल फर्कनु हुदै

2011-12-19T14:24:00.000-08:00

बाबुराम शर्मा सउल,कोरिया
लामो समय देखि कोरियामा रहि म्याग्दी समाज समितिमा सक्रिय रहदै आउनु भएका म्याग्दी समाज समिति दक्षिण कोरियाका बर्तमान उपाध्यक्ष श्री नारायण बरुवाल ज्यु कोरियाको लामो बसाइलाई अन्त गर्दै आफ्नै मातृ भुमि नेपाल फर्कदै हुनुहुन्छ | फोनमार्फत दिएको जानकारी अनुसार यहि डिसेम्बर २७ तारिख का दिन उहा नेपाल फर्कन लाग्नु भएको हो | उहा लामो समय कोरिया मा अबैधानिक बस्दै आउनु भएता पनि उहा सो-इक्षाले नेपाल जान लाग्नु भएको हो | उहा प्रदेश मा रहेर पनि आफ्नो व्यस्तताका बाबजुत म्याग्दी समाज समिति दक्षिण कोरियाका साथै विभिन्न संघ सस्थामा संलग्न रहदै आउनु भएको छ |

किन नेपाल जान लाग्नु भएको हो? भन्ने प्रश्न मा उहाले फोनमा भन्नु भयो पैसा भन्ने चिज मान्छे लाइ जति भए पनि पुग्दैन आफुसंग जति छ अहिले सम्म जति कमाए त्यसैलाई नेपाल गएर राम्रो ठाउमा लगानी गरेर केहि गर्ने सोचाई छ प्रदेशमा कति दुख गरि राख्नु आफुले १ बित्ताका छोडेर आएका छोरा छोरि आफु भन्दा ठुला भैसके तिनीहरुलाई पनि आफ्नो सस्कार सिकाउनु पर्योनी आफ्नो छत्र छायामा हुर्काउन नपाएपनि केहि बाटो त देखाइदिनु पर्योनी अनि हामि पुराना गएपो नयाले अवसर पाउलान नि हामि यहाँ भएका नजाने हो भने ति १५ हजारले कहिले पालो पाउने त्यसैले म नेपाल जादै छु |
Read More

उहाको प्रत्यक्ष अभाब म्याग्दी समाज समितिलाई सदैब रही रहने छ| उहाको योगदानलाइ म्याग्दी समाज समितिले सिरोधार्य गर्दै लैजाने छ र सदैब सम्झी रहने छ उहा जहा रहेपनि म्याग्दी समाज समिति दक्षिण कोरिया सदैब उहाको सल्लाह सुझाब र सहयोगको अपेक्षा राख्दछ उहाको आगामी नेपाल बसाइ सदैब सुखद रहोस |

उहा संग संगै बसेर कुराकानीका साथै भेटघाट गर्ने कार्यक्रम भएकाले म्याग्दी समाज समितिमा आबद्द सम्पूर्णलाई निम्न मिति र समय मा उपस्थित भैदिनु हुन् हार्दिक अनुरोध गर्दछौ |

मिति :- २०११ डिसेम्बर २४ तारिख सनिबार

समय :- बेलुकी ७ बजे

स्थान :- पछि तोकिने

सम्पर्क :- ०१०८६८२३५६५

०१०२३८८८४१०

०१०९८१९१९४६

भुप अध्यक्ष स्वर्गिय बिरु रोकाज्युको सम्झनामा........................

2011-12-05T05:47:00.000-08:00

भरत तुलाचन, सउल कोरिया
गत साल डिसेम्बर ५ तारिख बिहान ६ बजे, अर्थात ठीक आजकै दिन एकाबिहानै मोबाईलमा बजेको अशुभ घण्टीले मस्त निन्द्रामा रहेको मलाई बिउंझाईदियो । निन्द्रा भित्र एकाबिहानै बजेको मोबाईलको अशुभ दोश्रो घण्टीमै फोन उठाएं । म्याग्दी समाजका अध्यक्षले फोन गर्नु भएको रहेछ , उठाउंदा साथ उहांले भन्नु भयो - स्वल्टी ! बरबाद भो बिरु दाई उठेनन रे -

म कराएं , हंऽऽऽऽऽऽ के भनेको ? मैले सोधें ................ (झट्ट सुन्दा निन्द्राबाट बिउंझिनु भएको छैन कि जस्तो लाग्यो) उताबाट पुन आवाज आयो, बिरु दाई सिद्दिए रे....

मलाई गत चार बर्ष अगाडी स्वर्गिय रोशन शाही ऊईजंबु को धक्केरी मा सुतेको सुत्यै भएको घटना याद आयो । जुन घटना हुंदा म र स्व. बिरु रोका ज्यु (बिरु जेठान) संगै थियौ । उहांलाई अघिल्लो दिन प्रशान्त तामाङको कार्यक्रम हेरेर संगै फर्कदै बोमसाल (रुघाको कामज्वरो ) भएको थियो । ओछ्यान् मै बिहान ७ बजे तिर उहांको मोबाईलमा फोन आयो , उताबाट दिपक खड्काले दाई रोशन त सुतेको सुत्यै भएर अस्पताल पुर्याई सकेको खबर आयो । उहां दुई दिन अगाडी सम्म म्याग्दी समाजका अध्यक्ष रहनु भएकोले पनि सायदै उहांलाई नै पहिलो फोन आएको थियो । हतार हतार राजधानी सउलबाट ट्याक्सी चढेर हामी धक्चङनी अस्पताल गएको सम्झना ताजै थियो ।
त्यो बिहान फोनमा सुनिएको आवाजले म भावविह्हल भएं । तुरुन्त रुम पार्टनर साथीहरुलाई फोन लगाए‌ । रुममा प्रहरीहरु र ११९ का कर्मचारीहरु आई सकेका रहेछन । मृत शरिरलाई क्षणभरमै अस्पताल पुर्याईने जानाकारी पाएं । आखिर जे हुनु भईसकेको रहेछ ।
आज पुन: उहांको याद आयो , यो बिदेशी भूमिमा म र उहां बीचको सम्बन्ध यति आत्मिय र अगाढ थियो कि सायदै त्यो म बर्णन गर्नै सक्दिन । Read More
कोरियाली भूमिमा बिरु दाईको नामले प्रचलित उहांलाई नचिन्ने पनि कमै थिए । कसै संग शत्रुता नराख्ने, मिलनसार स्वभाव र सहयोगी भावनाले भरपूर उहांले काम नपाएका पुर्व मेची देखि पश्चिम महाकाली सम्मका जो सुकै नेपाली दाजुभाई वा दिदी बहिनी होस् कामको खोजी र वासको जोहो गरिदिनु हुन्थ्यो । कोरिया प्रबेश भए देखिनै समाज सेवा प्रति रुचि राख्नु भएकै कारण कोरियाली भूमिमा रहेका सम्पु्र्ण म्याग्देलीहरुको साझा चौतारी म्याग्दी समाज समितिको स्थापना हुनुमा उहांको उल्यख्य भूमिका र बृहत योगदान रहेको छ । म्याग्दी समाजमा तीन कार्यकाल सम्म उपाध्यक्ष पदमा कार्यरत रहंदा आफ्नो पदिय जिम्मेवार कुशलता पुर्वक निभाउनु भए पश्चात सन २००६ सालको फे्ब्रअरीबाट अध्यक्ष पदमा चुनिनु भई आफनो पदिय जिम्मेवार सफलताका साथ निभाउनु भएको थियो ।

पद मुक्त भए पश्चात पनि म्याग्दी समाजको सल्लाहकारको रुपमा रहनुनु भएको उहां समाजको हरेक कृयाकलापमा सकृय रहिरहनु भएको थियो । आफ्नो कार्यकालमा नेपालबाट कलाकार ल्याएर बृहत सांस्कृतिक कार्यक्रम गर्ने चाहाना हुंदा हुंदै पनि रोलक्रमको कारण म्याग्दी समाजले गतसालको फेब्रुअरीमा मात्र कार्यक्रमको आयोजना गर्ने क्रममा थियो । म्याग्दी समाजले गत साल फेब्रुअरीमा पर्ने कोरियाको महान दोश्रो पर्व सलनालमा कार्यक्रम गर्न पाउने घोषणा हुंदा कामको ब्यस्तताले घोषणा स्थलमा उपस्थित हुन नसके पनि फोन मार्फत जानाकारी पाए पछि सांझ उईजङबुबाट राजधानी सउलको तोङदेमुनमा साथीभाईहरु संगै खुशियाली मनाउन आईपुगेकोले उहांमा समाज प्रति कति मायां र आस्था थियो भन्ने सहजै बुझ्न सकिन्छ । कार्यक्रमको लागि नेपालबाट ल्याउने कलाकारहरुको छनोट प्रकृया पूरा गरि सोही हप्ता नयां कामको लागि राजधानी सउल देखि ४ घण्ट टाढा पुग्नु भएको उहां, पगेकै रात सुतेको ठाऊंबाट कहिल्यै उठ्नु भएन ।
आज उहांले यस धर्तिलाई छोडेर गएको ठीक १ बर्ष पुगेको छ । उहांको बार्षिक पुण्यतिथिमा उहांको आत्माले चिर शान्ति पाओस् । (उक्त दिनको घटना बिबरण पढ्न भित्र जानुस)

आफू सक्दो सहयोग गर्नुहुन कोरियामा रहेका म्याग्देलीहरुलाई हार्दिक अनुरोध

2011-11-20T03:11:00.000-08:00

दुबै हात गुमाएर अस्पतालमा रहेकी म्याग्देली चेली लिला रामजालीको आर्थिक सहयोगार्थ कोरियामा रहेका सम्पूर्ण म्याग्देलीहरुलाई सहभागि हुन हार्दिक अनुरोध गर्दै समाजले निर्णय गरेको प्रति ब्यक्ति न्युनतम बीस हजार ओन देखि माथि आफू सक्दो सहयोग रकम पठाउन म्याग्दी समाज समिति हार्दिक अनुरोध गर्दछ । तल उल्यखित समाजको बैङक खाता नम्बरमा सिधै वा सहयोग रकम उठाउन जिम्मेवार आ-आफनो क्षेत्रका प्रतिनिधिहरु मार्फत दर्ता गर्न सकिने छ । तपाईले सहयो गरेको रकम र ब्यक्तिगत बिबरण यसै ब्लगमा तुरुन्ता तुरुन्तै दर्ता गराईने छ ।

साथै, सहयोग रकम बैङक खाताबाट पठाएमा सम्पर्क नं. 010 2388 8410 मा सम्पर्क गर्न सक्नुहुने छ ।

सिर्फ तीन रति सुनको लागि अबोध नानीको ज्यान लिने राक्षसी अनुहार हेर्नुस

2011-11-17T04:23:00.000-08:00

बालकले कानमा लगाएको तिन रती सुनको मुन्द्राको लोभमा म्याग्दीको सिंगा गाविसमा केहि महिनादेखि बस्दै आएका एक व्यक्तिले स्थानीय ६ वर्षिय बालकको अपहरण पश्चात म्याग्दी खोलामा ज्यूँदै फालेर हत्या गरेको छ । बाग्लुङ भई चार महिना अगाडी देखि सिंगा गाविसको तातोपानी बजारमा सुनचाँदीको काम गर्दै आइरहेको १९ वर्षिय सुबास कुमार बिकले कुहुं गाविस–४ बस्ने टकदेबी फगामीका ६ वर्षिय छोरा निकेस फगामीको अपहरण गरि ज्यूँदै म्याग्दी खोलामा फालेको हो । बालकका आफन्तका अनुसार बिकले एक हप्ता अगाडी बालकलाई औंठी बनाइदिने र बेनीबजार घुम्न लैजाने लोभ देखाएका थियो ।

त्यसको दुई दिनपछि बालकसंग पाँच रुपैयाँ लिएर तामाको औंठी बनाएर समेत लगाइ दिएको र औंठी लगाइदिएको एक दिनपछि बालक हराएकोले सोधखोज गर्दा बिकले नै अपहरण गरेको खुल्न आएपछि आफन्तहरु आश्चार्यमा परेका थिए बालककी ठुलीआमा हिरा थापाका अनुसार बिकले बिगतमा पनि स्थानीय केहि बालबालिकाहरुलाई फकाइफुल्याई कानमा लगाएका मुन्द्रा तथा सुनका गरगहनाहरु लुट्ने गरेको थियो । यसपाली भएको घटनामा आफ्नै संलग्नता रहेको बिकले बताइसकेको उनले जानकारी दिइन् ।बालककि हजुरआमा होमकुमारी घर्तीमगरले दिएको ठाडो उजुरीका आधारमा प्रहरीले बिकलाई पक्राउ गरेको छ । यद्यपी घटनाका बारेमा छानविन भइरहेकोले आरोपि बिकका बारेमा प्रतिकृया लिन र तस्विर लिन समेत प्रहरीले दिएको छैन ।बिकले प्रारम्भिक बयानमा बालकलाई आफ्नो नियन्त्रणमा लिएर सिंगा गाविसमा रहेको धौलागिरि माध्यमिक विद्यालय नजिकै रहेको झोलुङ्गे पुलबाट म्याग्दी खोलामा फालिदिएको बताइसकेको छ ।प्रहरी नायव उपरिक्षक दिनेसकुमार आचार्यले घटनाका बारेमा छानविन भइरहेको र आरोपी प्रहरीको नियन्त्रणमा आइसकेकोले भोली (मंगलबार) सम्म सबै कुरा सार्वजनिक गर्ने अनौपचारिक जानकारी दिएका छन् ।यता बालकका आफन्तले भने अपराधिलाई कडा भन्दा कडा कारवाहिको माग गर्दै जिल्ला प्रहरी कार्यालय घेराउ गरेका छन् । आज(सोमबार) दिउँसो प्रहरी कार्यालयमा भेला भएका आफन्तहरुले भावबिह्वल अवस्थामा अपराधिलाई कडा कारवाहिको माग गरेका हुन् ।प्रहरी कार्यालयमा भेला भएका स्थानीयले उक्त अपराधीले गाउँमा त्यस्ता धेरै घटना घटाएको भन्दै कडाभन्दा कडा कारवाहिको माग गरेका छन् । यसबारेमा म्याग्दीको प्रशासन र बालबालिका सम्बन्धि काम गर्ने सरकारी तथा गैरसरकारी संस्था समेत अहिलेसम्म मौन नै रहेका छन् ।आफन्तकै भनाईका आधारमा बालकको मृत्यू भइसकेको भन्दै जिल्ला प्रहरी कार्यालयको एक टोली शव खोज्नका लागि म्याग्दी खोलाको किनारमा परिचालन भइसकेको छ ।घटना अनुसार बालकले दुबै कानमा गरि ६ रती तौल भएका सुनका मुन्द्रा लगाएका थिए । केहि दिन अगाडी एउटा कानमा सानो घाउ आएकोले बालककि आमाले एउटा कानको मुन्द्रा झिकिदिएकि थिइन् । बालकले केहि दिन अगाडीदेखि एउटा कानमा मात्रै मुन्द्रा लगाएर हिड्ने गरेका थिए । एउटा कानमा मात्र मुन्द्रो देखेपछि बिकले पटकपटक उक्त बालकलाई बोलाएर केहि न केहि खानेकुरा दिएर आँफुतिर आकर्सित गर्नेगरेको स्थानीयबासी बताउँछन् । बालकको एउटा कानमा लगाएको मुन्द्रा हरायो भन्न लगाउँदा बालकले नमानेपछि उनलाई अन्य बाहनामा फकाउन थालेको उनिहरुले आरोप लगाएका छन् ।

दुबै हात गुमाएकी म्याग्देली चेलीको सहयोगार्थ चन्दा संकलन कार्यलाई तिब्र पारिने

2011-11-13T03:21:00.000-08:00

कम्पनी दुर्घटनामा परि दुबै हातको हत्केला गुमाउन पुगेकी म्याग्दी जिल्ला कुंहु गाबिसकी २३ बर्षिय लिला रामजालीको आर्थिक सहयोगार्थ म्याग्दी समाज समिति दक्षिण कोरियाले चन्दा संकलन कार्यलाई तिब्रताका साथ अगाडी बढाउने निर्णय गरएको छ । निर्णयानुसार कोरियामा रहेका हरेक म्याग्देलीहरुलाई प्रति ब्यक्ति न्युनतम बीस हजार ओनको दरले अनिबार्य रुपमा सहयोग स्वरुप उठाउने छ । अस्पताल खर्च लगायतका सम्पूर्ण रकम कम्पनी मालिकले बेहोर्ने भएता पनि प्रवासी भूमिमा एक जना म्याग्देली चेलीलाई परेको यस दुखद परिस्थितिमा कोरियामा रहेका सम्पूर्ण म्याग्देलीहरु एक भई सहयोग गर्नु पर्ने निर्क्योल निकाल्दै समाजले अनिबार्य चन्दा संकलन गर्ने निर्णय गरेको हो । कोरियामा रहेका सम्पूर्ण म्याग्देलीहरु तथा ईच्छुक प्रवासी नेपाली दाजुभाई तथा दिदी बहिनीहरुलाई यस पुण्य कार्यमा सहभागि भई आफू सक्दो सहयोग गर्नु हुन म्याग्दी समाज समिति दक्षिण कोरिया हार्दिक अनुरोध गर्दछ ।

म्याग्दी समाज समिति दक्षिण कोरियाको नियमित बैठक सम्पन्न

2011-11-13T02:58:00.000-08:00

म्याग्दी समाज समिति दक्षिण कोरिया आठौं कार्य समितिको १९ औ नियमित बैठक आज राजधानी सउलको तोङदेमुन स्थित डांडा गाऊंमा सम्पन्न भएको छ । समाजका अध्यक्ष नर बहादुर पुनको अध्यक्षतामा सम्पन्न बैठकमा कार्य समितिका १४ जना सदस्य उपस्थित रहेको थियो । आज बसेको बैठकले दुबै हात गुमाएकी म्याग्देली चेली र ब्रेन ट्युमरको अप्रेशन गरि अस्पताल रहेका मोरङ निवासी बिज्ञान राईको सहयोगार्थ छुट्टाछुट्टै चन्दा संकलन गर्ने निर्णय गरेको छ । साथै बैठकले माईग्रान्त ट्रेड युनियन (MTU) ले पठाएको आर्थिक सहयोगको पत्रानुसार ५१००० वन सहयोग गर्ने निर्णय गर्नुको साथै म्याग्देली डाता संकलन कार्यलाई अन्तिम रुप दिएको छ ।

नोभेम्बर १३ तारिख आईतबारको दिन म्याग्दी समाज समिति दक्षिण कोरियाको बिशेस बैठक बस्ने

2011-11-06T04:00:00.000-08:00

आगामी नोभेम्बर १३ तारिख आईतबारको दिन म्याग्दी समाज समिति दक्षिण कोरियाको बिशेस बैठक बस्ने भएको छ । बैठकमा दुबै हात गुमाउन पुगि अस्पतालमा रहेकी म्याग्देली चेलीको सहयोगार्थ आर्थिक जोहो लगायत अन्य बिषयहरु माथि बिशेस छलफल गरिने छ । राजधानी सउलको दोङदेमुन स्थित डांडागाउंमा बसिने उक्त बैठकमा कार्य समितिका सम्पूर्ण पदाधिकारीहरु ,खेलाडीहरु लगायत सम्पूर्ण ईच्छुक म्याग्देलीहरुमा हार्दिक अनुरोध गरिन्छ ।
स्थान-दोङदेमुन स्थित डांडागाउं(सह-कोषाध्यक्ष निवास)
मिति-२०११ -११-१३
समय- दिनको १ बजे

ठग्यो भाग्यले, क्षणभरमै चकनाचुर भयो सपना लिला बैनीको

2011-10-24T05:45:00.000-07:00

भरत तुलाचन,
सुन्दर भबिष्यको सपनाको साथ म्याग्दी जिल्ला कुहुं गाबिसबाट गत ६ महिना अगाडी ईपिएस भीषा मार्फत कोरियाली भूमिमा आई कार्यरत २३ बर्षिय बैनी लिला राम्जालीले आज सोमबार गरिएको अप्रेशनबाट संधैको लागि दुबै हातको हत्केला गुमाउन पुगेकी छिन । चार सय डिग्रीको तापक्रम सहितको प्लाष्टिक कम्पनीको मेशिनमा च्यापिन पुगेको दुई हत्केला मध्यको एक हत्केला सम्म बच्न सक्ने झिनो आशा र डाक्टरहरुको १ हप्ताको प्रयास समेत तुहिएको छ आज । आज गरिएको अप्रेशनको नतिजा अनुसार हातमा लगाईने ग्लोब अर्थात काम गर्दा लगाईने पन्जा सम्मको भाग काटिएको छ । अर्थात दुबै हत्केलाको जोर्नी देखि २ सेन्टिमिटर माथि सम्म ।

घटना कसरी भएको रहेछ ?

गत हप्ता अर्थात अक्टुबर १७ तारिख सोमबारको दिन सदा झैं प्लाष्टिकको सामान बनाउने लगभग ५ वटा मेशिनमा कम्पनी मालिक,मालिक्नी लगायत अन्य सहकर्मी नेपाली साथीहरु संगै काम सुरु गरे । चार पांच जनाले काम गर्ने सो सानो कम्पनीमा तीन तीन मिटरको दुरीमा रहेको मेशिनमा आ आफ्नो शुरमा काम गरिरहेको अबस्थामा अकष्मात् लिला बैनी चर्को स्वरमा अइ्या आठ्ठो गर्न लागे पछि तुरुन्त कम्पनी मालिकले मेशिनबाट हात Read More....

निकाल्ने प्रयास गर्दै कम्पनीको बिजुलीको मुख्य स्वीच अफ गरे । स्वीच अफ गरे पछि समेत बाहिर निकाल्न नसके पछि पुन: स्वीच अन गरेर मेशिन ब्याक घुमाउंदै हात करिव ५ देखि ७ मिनेट भित्र बाहिर निकालेर कम्पनीको छेवैमा रहेको पूसान शहरकै नामुड अस्पतालमा पुर्याईएको थियो ।
के हुंदैछ क्षतिपुर्ति र दुर्घटना बीमाको लागि ?
हिजो आईबार म्याग्दी समाजका अध्यक्ष र म राजधानी सउल देखि कोरियाको सब भन्दा टाढा ( चेजु टापू बाहेक ) पूसान शहरमा करिव ५ घण्टको रेल यात्रा पश्चात पुग्यौं । अस्पतालमै कम्पनी मालिकलाई बोलाएर नेपालबाट बिरामीको आफन्त ( स्याहार सुसारको लागि ) बोलाउने, क्षतिपुर्ति आदिको बारेमा कुराकानी भयो । अति मिजाशिलो स्वभावका कम्पनी मालिकले लिलाको लागि जस्तो सुकै सहयोग गर्न पनि तयार रहेको , उसको दुर्घटनाले मेरो आत्मा समेत जलिरहेको जस्ता भावपूर्ण बिचारहरु बिचार ब्यक्त गर्नु भएको थियो । त्यसको लगत्तै दुर्घटना बीमाको लागि सहयोग गरिरहनु भएका किम्हे शहर स्थित नेपाली चर्चका पास्टर यग्य राज सुबेदीज्यु संग उहांकै चर्चमा पुगि बिशेस सर सल्लाह गरिएको छ । उहांको अनुसार दुर्घटना बीमाको सम्पूर्ण प्रकृयाहरु अगाडी बढि सकेको बताउनु भएको छ ।

२३ बर्षिय म्याग्देली चेलीको दुबै हात जाने नै भो, आज सोमबार अप्रेशन

2011-10-23T08:30:00.000-07:00

गत ६ महिना अगाडी ईपिएस भीषा मार्फत कोरियाली भूमिमा आई कार्यरत ( नाम भोली सोमबार गरिने अप्रेशन पश्चात सार्वजनिक गरिने ) एक जना म्याग्देली चेली दुबैहातको हत्केला बिहिन हुने भएकी छिन । गत हप्ता आफू काम गर्ने कम्पनीको चार सय डिग्रीको तापक्रममा करिव १० मिनेत सम्म हात अड्किन पुगेपछि हातको पन्जा कामै नलाग्ने भएको हो । त्यस बाहेक पनि दुबै हातको २-२ औंलाहरु मेशिनले चुंडाली सकेको छ । अस्पताल श्रोटको अनुसार दुबै हातको २-२ औंलाहरु चुंडालिएता पनि चार सय डिग्री तापक्रमबाट जति सक्डो छिटो निकाल्न सकेको भए यति ठूलो दुर्घटना हुने थिएन । आज आईतबार म्याग्दी समाजका अध्यक्ष सहितका प्रतिनिधिहरु पूसान स्थित अस्पतालमा पुगि बिरामी,कम्पनी मालिक संग जानाकारी लिई फर्किएको छ । बाकी खबर भोलि.........

दुर्घटनामा परेकी म्याग्देली चेलीको अबस्था बुझ्न म्याग्दी समाजका प्रतिनिधिहरु पुसान जाने तयारी

2011-10-19T06:10:00.000-07:00

गत हप्ता कम्पनी दुर्घटनामा परि शख्त घाईते बन्न पुगेकी पश्चिम म्याग्दीकी एक जना म्याग्देली चेली पुसान स्थित खाङडोङ अस्पातालमा रहेकी छिन । चोट लागेको दुबै हातमा ब्यान्डेज गरिनुको साथै दुखाई मत्थर गर्ने सुईको कारण बिरामीले कुनै दुखाईको महसुस गर्नु परेको छैन । तर अस्पतालले भने पर्सी शुक्रबार अप्रेशनको तयारी गरिरहेको जानकारीमा आएको छ । बिरामी संगको प्रत्यक्ष सम्पर्कमा आफूलाई खासै चोट नलागेको भान भएको र शारिरीक अबस्था समेत ठिक रहेको बताए । तर हातको औला हल्लाउन सकिन्छ कि भन्ने प्रश्नमा दुबै हातका औंलाहरु नचल्ने बताए । प्रार्थना गरौं , अप्रेशनले ठूलो रुप नल्याओस । यसै क्रममा कोरियामा रहेका म्याग्देलीहरुको साझा संस्था म्याग्दी समाज समिति दक्षिण कोरियाका पदाधिकारीहरु राजधानी सउलबाट पूसान जाने तयारी भईरहेको थाहा भएको छ । बिरामीको पहिलो चरणको अप्रेशन पछिको स्थिति पश्चात कसरी अगाडी बढ्ने भन्ने बारे छलफल गरिने भएको छ ।

एक जना म्याग्देली चेली मेशिन दुर्घटनामा, दुईवटै हात गुम्ने सम्भावना

2011-10-17T07:36:00.000-07:00

म्याग्दी जिल्लाबाट ईपिएस भिसा मार्फत केहि महिना कोरिया प्रबेश गरेकी पश्चिम म्याग्दीकी एक जना म्याग्देली चेली (बिरामीको नाम र ठेगाना केहि समयको लागि गोप्य राखिने ) आफू काम गर्ने कम्पनीको मेशिनले दुबै हात च्याप्न पुगि शसक्त घाईते अबस्थामा रहन पुगेको थाहा भएको छ । हाल उपचारार्थ पुसान शहर स्थित एक अस्पतालमा रहेको जानाकारीमा आएको छ । प्लाष्टिक कम्पनीको तातो मेशिनमा करिव १५ मिनेट सम्म दुबै हात अड्किएकोले हातको अबस्था अति नाजुक रहेको समेत जानाकारीमा आएको छ ।

कोरियामा रहेका म्याग्देली डाटा संकलन कार्य तिब्र रुपमा,आगामी हप्ता सम्मा सार्वजनिक हुने

2011-10-10T07:10:00.000-07:00

म्याग्दी समाज समिति दक्षिण कोरियाको सकृयतामा सम्पन्न हुन गई रहेको कोरियामा रहेका म्याग्देली डाटा संकलन कार्य तिब्र रुपमा अगाडी बढिरहेको छ । आगामी हप्ता सम्ममा कोरियामा रहेका सम्पूर्ण म्याग्देलीहरुको डाटा सार्वजनिक हुने भएको छ । बिगत ४ बर्ष अगाडी कोरियामा म्याग्देलीहरु करिव १७० जना रहेकोमा यसपालि सो संख्यामा निक्कै बृद्दि हुन सक्ने सम्भावना बढेको छ ।

रणबाङ घटनाको हप्ता दश दिन नबित्दै पुन: बाबियाचौरमा गाडी दुर्घटना

2011-10-08T19:16:00.000-07:00

अस्ति भरखर हो , बावियाचौर ८ रनबाङमा बाबियाचौर देखी दरवाङ जाँदै गरेको ग १ ख २७०४ नम्वरको मिनिवस दुर्घटनामा परि १३ जनाले ज्यान गुमाएको । परार सालको दशैकै मुखमा रातोढुंगामा गाडी खस्यो पन्ध्र बीस जनाले अकालमा ज्यान गुमाए । फेरी हप्ता दश दिन नबित्दै दुर्घटना ??? उफ् .....ज्यानको बाजी थापेर गाडी चढ्नै पर्ने हो ? कतै अदक्ष कलिला ड्राईभर भाईहरुको लापरबाहीले त गाडी खस्दैन ? कि सडकको हालत नै त्यस्तै हो ? दुर्घटना हुन नदिन सडक पक्की नै हुनु पर्छ भन्ने छ र ? किन आबश्यक खोजिको पहल गरिदैन हं ? More..,
बेनी अनलाईन लेख्छ-
पश्चिम म्याग्दीको बावियाचौरबाट सदरमुकाम बेनीतर्फआउँदै गरेका ना ३ ख ४३८० नंवरको माइक्रोबस बावियाचौर-५ मा चिप्लिएर दुर्घटना हुदाँ चालक सहित ११ जना यात्रु र्घाईते भएका छन । भिरालो सडकसंगै १२ महिना चिप्लो हुने सडकका कारण गाडीको ब्रेक फेल भएर दुर्घटना भएको चालक कृष्ण जिसीले प्रहरी समक्ष बयान दिएका छन ।

र्घाईते हुनेहरुमा सिंगा ५ कि २७ बषिर्य सोभा खत्री उनकी १२ बषिर्य छोरी सोनी खत्री र १० बषिर्य छोरा सिल्पा खत्री र्,अर्मन ६की ३० बषिर्य खुलदेबी छन्त्याल , मराङ ७ की २६ बषिर्य कोपिला घिमिरे उनका श्रीमान २६ बषिर्य सोमनाथ घिमीरे ,र छोरा ७ बषिर्य अनिल घिमिरे ,मल्कबाङ्ग १ का २० बषिर्य नरेश पुर्जा ,ओखरवोट ८का ३४ बषिर्य सुक वहादुर पटेल र बाग्लुङ गुठी ३ का १३ बषिर्य सैलेन्द्र खड्का रहेको प्रहरीले जनाएको छ ।

दुर्घटनामा परी घाइते भएका सवैको अवस्था सामान्य रहेको र म्याग्दी अस्पतालमा उपचार भईरहेको जिल्ला प्रहरी कार्यालय म्याग्दीले जनाएको छ ।

घटनाको सत्य तथ्य छानविन गर्न म्याग्दी बस तथा जिप संचालक समितिका सचिव सुमन श्रेष्ठको संयोजकत्वमा छानविन समीति गठन भएपनी समीतिले घटनाको अध्ययन प्रतिवेदन र्सार्वजनीक गरेको छैन ।

कोरियामा म्याग्देलीहरुले दशै भब्य रुपमा मनाए

2011-10-03T03:26:00.000-07:00

महान पर्व शुभ बिजया दशमी २०६८ को सुखद उपलक्ष्यमा म्याग्दी समाज समिति दक्षिण कोरियाले आयोजना गरेको शुभकामना आदान प्रदान कार्यक्रम गत १ तारिख शनिबार सांझ राजधानी सउलको चोङगाक स्थित दुर्गा रेष्टुरेण्टमा भब्य रुपमा सम्पन्न भएको छ । म्याग्दी समाजका अध्यक्ष नर बहादुर पुनको सभापतित्व र समाजका सल्लाहकार द्दय भक्त सेरचन र बिनोद कुंवर , म्याग्दी समाज खेलकूद अध्यक्ष र उपाध्यक्ष क्रमश: झलक आचार्य र मुक्तमान केशीको बिशेष आतिथ्यमा सम्पन्न कार्यक्रममा उपस्थित महानुभावहरुलाई समाजका उपाध्यक्ष नारायण बरुवालले स्वागत गर्नु भएको थियो भने सहसचिव बाबुराम शर्माले समाजको बिगत समाजको बर्तमान स्थिति र भावि योजनाको बारेमा जानाकारी दिनु भयो । Read More...
सचिव भरत तुलाचनको संचालन रहेको पहिलो चरणको कार्यक्रममा बिभिन्न बक्ताहरुले शुभकामना मन्तब्य ब्यक्त गर्नु भएको थियो । कार्यक्रमको दोश्रो चरणमा रात्री भोज र नाचगान सहितको मनोरन्जन पूर्ण माहोल बनेको थियो । कोरियाली भूमिमा कामको ब्यस्तता संगै थकित म्याग्देलीहरु एकापसमा शुभकामना आदान प्रदान गर्दै राती अबेर सम्म नाचगान सहित भरपूर मनोरन्जन लिए ।

शुभकामना आदान प्रदान कार्यक्रम दुर्गा रेष्टुरेण्टमा केहि समय पश्चात शुरु हुंदै

2011-10-01T02:05:00.000-07:00

महान पर्व शुभ बिजया दशमी २०६८ को सुखब उपलक्ष्यमा म्याग्दी समाज समिति दक्षिण कोरियाको आयोजनामा शुभकामना आदान प्रदान कार्यक्रम औपचारिक रुपमा केहि समय पश्चात शुरु हुंदै छ । कोरियामा रहेका सम्पूर्ण म्याग्देलीहरुलाई कार्यक्रममा सहभागि हुन अनुरोध गर्दै सु सुचित बनाई सकिएको छ । राजधानी सउलको चोङगाक स्थित दुर्गा रेष्टुरेण्टमा सुरु हुन लागेको म्याग्देली बिचको शुभकामना आदान प्रदान कार्यक्रमलाई दुई भागमा बिभाजन गरिएको छ । औपचारिक रुपमा सुरु गरिने पहिलो चरणको कार्यक्रमको समापन पश्चात दोश्रो चरणमा रात्री भोजको साथै नाचगानका साथ भरपूर मनोरन्जन दिलाउने तयारी भई रहेको छ ।

म्याग्दी समाज समिति दक्षिण कोरियाले १ तारिख शनिबार सांझ दशै कार्यक्रमको आयोजना गर्ने

2011-09-26T04:43:00.000-07:00

म्याग्दी समाज समिति दक्षिण कोरियाले शुभ बिजया दशमी २०६७ को सुखद अबसरमा अक्टुबर १ तारिख शनिबार सांझ दशै कार्यक्रमको आयोजना भब्य रुपमा गर्ने भएको छ । कोरियामा रहेका म्याग्देलीहरुलाई बृहत उपस्थिति बनाई मनाउन लागिएको दशै कार्यक्रममा खासगरि खानपिन र मनग्य मनोरन्जन गराउने तयारी भईरहेको छ । तल उल्यखित स्थान,मिति र समयमा उपस्थित भई कार्यक्रमलाई भब्य रुपमा सम्पन्न गराई दिनु हुन कोरियामा रहेका म्याग्देलीहरुलाई हार्दिक अनुरोध गरिन्छ ।

स्थान: दुर्गा रेष्टुरेण्ट चोङगाक (अण्डर ग्राउण्ड)

मिति: २०११ अक्टुबर १ तारिख शनिबार ।

समय: सांझ ८ बजे देखि ।

रणबाङमा भएको बस दुर्घटनाका मृत्यु र घाईते भएका सबैको पहिचान,

2011-09-20T04:44:00.000-07:00

म्याग्दी न्युजबाट,
म्याग्दीको बाबियाचौरमा आईतबार दिउँसो बस दुर्घटना हुँदा १३ जनाको मृत्यु भएको छ भने ७ जना र्घाईते भएका छन । बाबियाचौर ५ लाम्पाटादेखि दरवाङ जाँदै गरेको ग १ ख २७०४ नम्बरको बस बाबियाचौर ८ रणबाङ स्थित खहरेखोलाको उकालोमा दुर्घटना हुँदा ११ जनाको घटनास्थलमै मृत्यु भएको हो । घटनास्थल पुगेका जिल्ला प्रहरी कार्यालय म्याग्दीका प्रहरी निरिक्षक महेन्द्र बि.कका अनुसार ताकम ४ निवासी जगन्नाथ प्राबि हिलापोखरीका प्रअ मुकुन्द सुवेदी, ओखरबोट गाविस चिउरीबोटका काले दमाई, गाडीका सहयोगी पुलाचौरका रुपेश नेपाली, बरङ्जाका पूर्ण बहादुर छन्त्याल र र्सुय छन्त्यालको घटनास्थलमै मृत्यु भएको छ । त्यसैगरी मुना स्थित धनपाण्डे माविका शिक्षक तुलबहादुर पुन -दिपेश), सिङ्गा तातोपानीकी तारा खत्री -सारदा) र उनका ६ महिनाकी छोरी, रुमका टिका रर्साईली र उनका २ वर्षा छोरा प्रभात रर्साईली तथा मुदी ८ केचुङ्गका लिलबहादुर र्घर्ति रहेका प्रहरीले जनाएको छ । यसैगरी बाबियौर ८ रणबाङका अशोक भण्डारी र उनकी सानीमाकी छोरी बेल्डिया १ नवलपरासीकी तारा केसीको जिल्ला अस्पताल म्याग्दीमा उपचारका क्रममा ल्याउँदै गर्दा बाटैमा मृत्यु भएको छ । दिउँसो ३ बजे जिल्ला अस्पतालमा ल्याई पुर्‍याईएको उनीहरुलाई डाक्टरले मृत घोषणा गरेका थिए ।

बाबियाचौरका देव्रि्रसाद शर्मा, देविस्थानका खरबहादुर फगामी, बिमका भिमनाथ न्यौपाने, रुमका रितबहादुर खाती, इटहरीका लक्ष्मण लामिछाने, म्याग्दी सिङ्गाका दिपक पौडेल (ग्वाके) र अर्मनकी सुस्मा फगामी र्घाईते भएकी छन् । र्घाईते सबैलाई जिल्ला अस्पताल बेनीमा सामान्य उपचार गरि थप उपचारका लागि मणिपाल शिक्षण अस्पताल पोखरा पठाइएको छ । दिउँसो पौने एक बजेदुर्घटना भएको बस उकालो र साँघुरो सडकबाट करिब १ सय मिटर खसेको घटनास्थल पुगेका म्याग्दी जिप तथा बस सञ्चालक समितिका सचिव सुमन श्रेष्ठले बताउनुभयो । प्रहरी, यातायात व्यवसायी, रेडक्रसकर्मी र स्थानीयबासीले मृतक तथा र्घाईतेको उद्धार गरेका थिए । गाडी मालीक समेत रहेका चालक रंगीला भनिने पुलाचौरका टेकबहादुर सुनार प्रहरी नियन्त्रणमा रहेका छन् । बसमा चालक सहित २२ जना सवार थिए । १ जना यात्रु रुमकी कमला बिक भने सकुसल रहेकी छन् । बेनी दरवाङ सडक खण्ड अन्तरगत पर्ने डम्मरामा २ वर्षघि भएको दुर्घटनामा ७ जनाको मृत्यु भएको थियो । १ वर्षता म्याग्दीमा भएको सडक दुर्घटनामा करिब ४० जनाको मृत्यु भएको छ । म्याग्दीमा कच्ची सडकको विस्तारसँगै दुर्घटना बढेको छ ।

म्याग्दीको बाबियाचौरबाट दरबाङ तर्फजादै गरेको मिनीबस दुर्घटना, १३ जनाको मृत्यु

2011-09-18T07:33:00.000-07:00

म्याग्दी न्युज लेख्छ,

म्याग्दीको बाबियाचौरबाट दरबाङ तर्फजादै गरेको मिनीबस बाबियाचौर र दरबाङको बिचमा पर्ने बाबियाचौर ८ रणबाङको उकालोमा आज दुर्घटना हुदाँ १३ जनाको मृत्यु भएको छ । दुर्घटनामा अन्य ६ जना र्घाईते भएका छन । ग १ ख २७०४ नम्बरको मिनीबस आज दिउसो दुर्घटना हुदाँ ७ जनाको घटनास्थलमै र अन्य ६ जनाको स्थानीय स्वास्थ्य संस्था र जिल्ला अस्पताल बेनीमा उपचारका क्रममा मृत्यु भएको जिल्ला प्रहरी कार्यालय म्याग्दीले जनाएको छ ।

दुर्घटनामा मृत्युहुनेहरुमा बसका सहचालक म्याग्दी पुलाचौरका रुपेश नेपाली, म्याग्दी ताकममा मुकुन्द सुबेदी,पुलाचौरका पुर्ण बहादुर छन्त्याल,बरङजाका र्सुय छन्त्याल,म्याग्दी तातोपानीकी २१ बषिर्य तारा खत्री उनकी तिन महिनाकी छोरी प्रतिज्ञा खत्री,बाबियाचौर ८ का अशोक भण्डारी,तारा भण्डारी,म्याग्दी चिउरीबाटेका काले दमाईको मात्र सनाखत भएको छ ।

र्घाईते हुनेहरुमा हेमलाल न्यौपाने,खहरे फगामी,खिमबहादुर बिक,देबि शर्मा र एक नाम खुल्न नसकेका भरिया रहेका छन । दुर्घटनामा गम्भिर र्घाईते ६ जनाको म्याग्दी अस्पताल बेनीमा उपचार भैरहेको छ । घटनाको उद्धारका लागि बाबियाचौर र दरबाङ प्रहरी चौकिबाट प्रहरी घटनास्थल पुगेको थियो । बस सडकबाट करिव तिनसय मिटर म्याग्दी खोलामा खसेको छ । पहिरोले गर्दा बाटो साघुरो भएकोले बस चिप्लिएको सकुशल रहेका चालकले प्रहरीसँगको बयानमा बताएका छन । सो मिनिबसमा चालक सहित २१ जना यात्रुहरु रहेको प्रहरीले जनाएको छ ।

आंधिखोला दशै रनिङ कप भलिबल खेलमा म्याग्दी समाज वाईमा

2011-09-18T05:32:00.000-07:00

स्याङजा परिवार दक्षिण कोरियाले आगामी हप्ता सेप्टेम्बर २५ तारिख आईतबार आयोजना गर्न लागेको आंधिखोला दशै रनिङ कप भलिबल खेल प्रतियोगितामा म्याग्दी समाज वाईमा पर्दै सिधै क्वाटर फाईनल खेलको लागि छनोट भएको छ । राजधानी सउलको तोङदेमुन स्थित फेवा रेष्टुरेण्टमा आयोजित प्रतियोगिताको टाईशीट तयार कार्यक्रम मार्फत गरिएको गोला प्रथा माध्यम बाट सिधै क्वाटर फाईनल खेलको लागि छनोट भएको हो । १० टीमले सहभागिता जनाएको उक्त प्रतियोगितामा म्याग्दी समाज समिति प्रतियोगिताको छैठौं खेल खेल्ने छ । उक्त प्रतियोगितामा सुदुर पश्चिम र तनहुं मध्यको बिजयी टीमलाई पछाडी पार्न सके सेमिफाईनल खेलमा गुल्मी र बाग्लुङ बिचको बिजयी टीम संग फाईनलको लागि भिड्नु पर्ने छ ।

सेप्टेम्बर महिनाको अन्त सम्मा कोरियामा रहेका म्याग्देली हरुको दाता संकलन गरिने

2011-09-16T05:58:00.000-07:00

भरत तुलाचन, सचिव म्याग्दी समाज
म्याग्दी समाज समिति दक्षिण कोरियाले म्याग्दी जिल्लाबाट बिबिध उद्देश्यका साथ दक्षिण कोरिया भित्रिएका प्रवासी म्याग्देलीहरुको दाता संकलन गर्ने भएको छ । गत सेप्टेम्बर ४ तारिख आईतबार बसेको म्याग्दी समाज समिति दक्षिण कोरिया कार्य समितिको बैठकले गरेको निर्णयानुसार म्याग्दी जिल्लाका हरेक गाबिसबाट एक देखि तीन जना सम्म प्रतिनिधि चयन गर्दै दाता संकलनमा सहयोग गर्ने गरि पत्राचार गरि सकेको छ । सेप्टेम्बर महिनाको अन्त सम्ममा Read More.......
कोरियामा रहेका म्याग्देलीहरुको नाम,गाविस,ईमेल र फोन नम्बर सहित नामावलि तयार गरि दिनुहुन हार्दिक अनुरोध गर्दै चुनिएका हरेक गाविसका प्रतिनिधिहरु यस प्रकार रहेका छन,

प्रतिनिधिहरु :-

(१) शिख- नर बहादुर पुन,मोहन फगामी र सुरेश राना
(२) घार- नारायण बरुवाल
(३) खिबाङ,घोरेपानी- भिम माया पुन
(४) नारच्याङ- थम माया पुन
(५) भुरुङ तातोपानी- कर्ण पुन र तुला राम्जाली
(६) दोवा- याद गर्बुजा
(७)- हिस्तान- रेम पुर्जा
(८) राम्चे-कृष्ण गर्बुजा
(९) बेगखोला- तुक गर्बुजा र धन पुर्जा
(१०) राखु- यु कुमार मल्ल
(११) पाखापानी,पात्लेखेत-ठंक पाईजा र भबिन्द्र पुन
(१२) कुईने मंगले- रत्न छन्त्याल
(१३) अर्थुङ्गे ,पुला,घटान,सिङगा- बाबुराम शर्मा
(१४) कुंहु-झलक आचार्य र मिन पुन
(१५) भकिम्ली- रेशम केसी
(१६) बाबियाचौर- मुक्त केसी
(१७) बरङजा- अमर किसान
(१८) अर्मन- मनु रोका
(१९) दरबाङ ,देबिस्थान- भरत तुलाचन र दिल प्रसाद बुढा
(२०) निस्कोट- चन्द्र कंडेल
(२१) ओखरबोट- उदय बुढाथोकी
(२२) ताकम धारापानी- आकाश केसी
(२३) मुना,मुडी,गुर्जा,लुलाङ-रबिन छन्त्याल
(२४) रत्नेचौर- गोबिन्द रावल
(२५) बिम ,मराङ- ओम जुग्जाली र दिर्घ पुन
माथि उल्यखित प्रतिनिधिहरुले २०११ सेप्टेम्बर ३१ तारिख सम्म आफ्नो गाबिसबाट कोरिया भित्रिएका म्याग्देलीहरुको नामावलि बिबरणको पाराम भरि उपलब्ध गराई दिनु हुन हार्दिक अनुरोध गरिन्छ ।

म्याग्दी समाज समितिको बिशेस बैठक सम्पन्न, दशै कार्यक्रम लगायत बिबिध बिषय माथि छलफल

2011-09-06T07:57:00.000-07:00

लामो समय देखि सम्पन्न हुन नसकेको म्याग्दी समाज समिति दक्षिण कोरियाको नियमित बैठक गत सेप्टेम्बर ४ तारिख आईतबार उत्साहजनक उपस्थितिमा सम्पन्न गर्दै बिबिध आकर्षक निर्णयहरु गरेको छ । बिगत केहि समय देखि निर्माण सम्पन्न गर्ने भनिएको म्याग्दी अस्पतालको आकष्मिक कक्षलाई २०६८ भित्र कुनै हालतमा निर्माण सम्पन्न गर्ने गरि बिबिध बिषयहरु माथि छलफल र निर्णय गरेको छ । त्यस्तै यसै सेप्टेम्बर महिना भित्र कोरियामा नयां र पुराना म्याग्देलीहरुको दाता संकलन गर्ने गरि म्याग्दी जिल्लाका हरेक गाबिस बाट कोरियामा रहेका १ जना प्रतिनिधि चयन गरेको छ । साथै यसपालीको दशै कार्यक्रम भब्यताका साथ मनाउने निर्णय गर्दै स्थान मिति र समय तोकेको छ ।

४ तारिख आईतबार म्याग्दी समाज समितिको बिशेस बैठक बस्ने

2011-08-30T06:38:00.000-07:00

आगामी सेप्टेम्बर ४ तारिख आईतबाशेस छलफल र म्याग्दी समाज समिति दक्षिण कोरियाको बिशेस बैठक बस्ने भएको छ । बैठकमा समाजका बिगतका बिबिध कार्यक्रमहरुको आर्थिक हिसाव कितावलाई पूर्णता दिईनुको साथै म्याग्दी अस्पतालको आकष्मिक कक्ष निर्माण योजनाको सुरुवात सम्बन्धि बिशेस छलफल गरिने छ । साथै बैठकले आगामी छुसक पर्वमा बिभिन्न संघसंस्थाहरुले आयोजना गर्न गई रहेको सांस्कृतिक कार्यक्रमहरुमा आर्थिक तथा सामाजिक सहयोगको बारेमा समेत छलफल गरिने छ । तल उल्यखित स्थान र मितिमा सम्पन्न हुने समाजको बैठकमा सहभागि भई दिनु हुन सम्पूर्ण कार्य समितिका पदाधिकारी ज्युहरु लगायत सम्पूर्ण ईच्छुक म्याग्देलीहरुमा हार्दिक अनुरोध गरिन्छ ।

स्थान: छेगि यक

समय: दिनको १ बजे ।

बाग्लुङ भलिबल टुर्नामेन्टको टाईशीट तयार,म्याग्दी समाज टीम डी एस एम ई पुसान टीम सित भिंडने

2011-08-07T03:46:00.000-07:00

स्क्रिनमा थिचेर ठूलो बनाउनुस

बाग्लुङ सम्पर्क समिति दक।षिण कोरियाले आगामी हप्ता आयोजना गर्न लागेको आगामी हप्ता बाग्लुङ भलिबल टुर्नामेन्टको टाईशीट तयार भएको छ । जसमा म्याग्दी समाज समिति दक्षिण कोरिया आयोजनाको पांचौ खेल पुसानबाट पहिलो पटक सहभागि भएको टीम डी एस एम ई टीम सित भिड्ने छ । पुसानबाट पहिलो पटक सहभागि भएको टीम डी एस एम ई टीम सित बिजयी बन्न सकेमा नेपाल आदिवासी जनजाति महासंघ संग दोश्रो खेल खेल्नु पर्ने छ ।

म्याग्दी समाजका अध्यक्ष नेपाल प्रस्थान

2011-07-11T07:08:00.000-07:00

म्याग्दी समाजका अध्यक्ष श्री नर बहादुर पुन आफू बसेको अस्पतालको बिशेष कागजात मिलाएर गत सुक्रबार नेपाल प्रस्थान गर्नु भएको छ । केहि महिना अगाडी कामकै सिलसिलामा दुर्घटनामा परि दाहिने कुम फ्याक्चर हुन पुगेपछि अस्पतालमा रहनु भएको थियो । कोरियाको अध्यागमण बिभागले २० दिन भित्रमा नेपाल गएर आईसक्नु पर्ने अन्यथा कोरिया पुन: आउन असम्भव हुने बताएकोले उहां यसै महिना कोरिया फिर्ता हुनुहुने छ ।

म्याग्दी समाजका अति सकृय म्याग्देली चेली धरपकडमा,यसै हप्ता उडान हुन सक्ने

2011-07-01T19:22:00.000-07:00

म्याग्दी समाज समिति दक्षिण कोरियाको सदस्य समेत रहि समाजमा अति सकृय म्याग्देली चेली नानी पुन सहित अन्य जिल्लाका ३ जना दिदी बहिनीहरुलाई अध्यागमणको कर्मचारीहरुले कब्जामा पारि ईन्छन पुर्याएको छ । ख्योङगिडोको आन्सान स्थित एक प्लाष्टिक कम्पनीमा कार्यरत चारै जनालाई कम्पनी परिसरबाटै अध्यागमणको कर्मचारीहरुले कब्जामा पारेको थियो । कोरिया प्रबेष गरेको छोटो समयमै समातिन पुगेकी म्याग्देली चेली नानी पुन म्याग्दी समाजका हरेक कृयाकलापहरुमा अति सकृयताका साथ लागि पर्नु हुन्थ्यो । आज बिहान उहां स्वयंले यस स्तम्भकारलाई फोन सम्पर्क गर्नु हुंदै ईन्छन जेलको दर्दनाक अबस्थाको बारेमा अबगत गराउनु भएको थियो ।

छाबियचीवमा मृतात्माको चीर शान्तिको कामना सहित १०८ बट्टी बालियो

2011-06-27T16:20:00.000-07:00

म्याग्दी जिल्ला घोरेपानी निवासी रहेर हाल दक्षिण कोरियामा कार्यरत भीममाया गर्बुजाकी पुज्यनिय बुबा गोपीराज गरबुजाको असामायिक निधन भएको ४९ दिनको पुण्य तिथिमा १०८ बट्टी बालियो । आईतबार १२ बजे देखि सम्पन्न सम्पन्न भएको १०८ बट्टी बाल्ने कार्यक्रममा आफन्तजन,साथीभाई,ईष्टमित्रहरुको बाक्लो उपस्थिति रहेको थियो । कार्यक्रममा उपस्थित सबैले मृतात्माको चीर शान्तिको कामना गर्दै सामूहिक रुपमा बट्टी बाले ।

२६ तारिख आईतबार मृतात्माको चीर शान्तिको कामना गर्दै छाबिय चीवमा १०८ बट्टी बालिने

2011-06-24T06:42:00.000-07:00

म्याग्दी जिल्ला घोरेपानी निवासी रहेर हाल दक्षिण कोरियामा कार्यरत भीममाया गर्बुजाकी पुज्यनिय बुबाको असामायिक निधन भएको ४९ दिनको पुण्य तिथिमा १०८ बट्टी बाल्नको लागि बिशेष तयारी भई रहेको जानाकारी प्राप्त भएको छ । मध्यान्ह १२ बजे देखि सुरु हुने उक्त द्दिप प्रज्वलन कार्यमा उपस्थित हुन चाहानु हुने आफन्तजन,साथीभाई,ईष्टमित्रहरुमा तल उल्यखित स्थान,मिति र समयको जानाकारी गराईएको छ ।

स्थान: छावियचीव(सउल,साम्यङ डोङ सागरी)
समय: १२ बजे ।
मिति: २६ तारिख आईतबार ।

ईन्छन इन्ज्वय एशिया भलिबल कपमा नेपाली टीमको बिजयी म्याग्दीका भबिन्द्र पुनलाई उत्कृष्ट खेलाडी घोषणा

2011-06-15T16:31:00.000-07:00

ईन्छन शहरमा रहेका बिदेशी मजदूर गृहहरुको संयुक्त आयोजनामा सम्पन्न ईन्छन इन्ज्वय एशिया फेस्टिबलमा भलिबल खेल तर्फ नेपाल टीमले बिजयीहांशिल गरेको छ । फेस्टिबलमा भलिबल लगायत फुटबल,बास्केटबल लगायतका अन्य थुप्रै खेलहरु समाबेश गरिएका थिए । ईन्छन शहर स्थित ब्यमुल्फो कलेजको हातामा सम्पन्न भएको खेल मध्य भलिबल तर्फ नेपाल ए ,नेपाल बी , म्यानमार, भियतनाम, ईन्डोनेशिया, मंगोल, उज्वेकिस्टान र थाईल्यान्ड गरि ८ टीमले सहभागिता जनाएका थिए । जस्मा नेपाल ए प्रथम, ईन्डोनेशिया द्दितिय र भियतनामलाई तृतिय स्थान प्राप्त भएको थियो । प्रतियोगितामा करिदास सेल्टरले नेपाली टीमको नेतृत्व गरेको थियो । लिक सिष्टमबाट खेलाइएको उक्त भलिबल खेल प्रतियोगितामा आयोजकले नेपाल ए का भबिन्द्र पुनलाई उत्कृष्ट खेलाडी घोषणा गर्दै नगद पुरस्कार र प्रमाण पत्र प्रदान गरेको थियो । साथै प्रथम, द्दितिय र तितृय हुने टीमलाई मेडल , प्रमाण पत्र र आकर्षक पुरस्कारको ब्यबस्था गरिएको थियो ।

भाग्यशाली चिट्ठाका भाग्यमानी प्रेम ज्ञवाली लाई प्रथम पुरस्कार बितरण

2011-06-11T04:47:00.000-07:00

म्याग्दी समाज समितिदक्षिण कोरियाले आयोजना गरेको प्रतिष्प्रर्धात्मक भलिबल खेलमा समाबेस गरिएको भाग्यशाली चिट्ठाको प्रथम पुरस्कार प्राप्त गर्ने गुल्मीका भाग्यमानी प्रेम ज्ञवाली लाई आज तोङदेमुन स्थित नमस्ते रेस्टुरेण्टमा प्रथम पुरस्कार ल्यापटप कम्प्युटर बितरण गरिएको छ । म्याग्दी समाजको चिट्ठाको प्रथम पुरस्कार ल्यापटप कम्प्युटर प्राप्त गर्ने ज्ञवालीले यो बर्ष मात्रै अन्य आयोजनाका भाग्यशाली चिट्ठाका प्रथम तथा दोश्रो पुरस्कारहरु समेत हात पारेको बताएका छन । थप फोटोहरु...

त्यस्तैसंस्थाका सह सचिव बाबुराम शर्माको अनुसार चिट्टाका अन्य सबै पुरस्कारहरु भोलि आईतबार सम्मा बितरण गरि सकिने जानाकारी प्राप्त भएको छ ।

गुल्मीका सुजन श्रेष्ठ म्याग्दी रनिङ कपमा उत्कृष्ट खेलाडी घोषित

2011-06-09T16:27:00.000-07:00

म्याग्दी समाज समिति दक्षिण कोरियाले आयोजना गरेको म्याग्दी रनिङ कपमा गुल्मी टीमका सुजन श्रेष्ठ उत्कृष्ट खेलाडी घोषणा भएका छन । कूल १५ टीमका १३५ जना खेलाडीहरु सहभागि भएको उक्त प्रतियोगितामा आयोजक म्याग्दीसमाजका पदाधिकारीहरु,सल्लाहकारहरु तथा म्याग्दी समाज खेलकूद समितिको संयुक्त निर्णयबाट सुजन श्रेष्ठ उत्कृष्ट ठहरिएका हुन ।

गुल्मीका प्रेम ज्ञवालीलाई भाग्यशाली चिट्ठाको प्रथम पुरस्कार

2011-06-06T03:06:00.000-07:00

म्याग्दी समाज समितिले आयोजना गरेको म्याग्दी रनिङ कपमा समाबेश गरिएको भाग्यशाली चिट्ठाको नतिजा भलिबल कार्यक्रमको पुरस्कार बितरण समारोह संगै खोलिएको छ । म्याग्दी समाजका सल्लाहकारहरुबाट क्रमश: सान्त्वना र तृतिय तथा प्रतियोगिताको दोश्रो टीम पर्बतका टीम क्याप्टेनबाट दोश्रो परस्कारको लागि र म्याग्दी रनिङ कप बिजयी गुल्मीका टीम क्याप्टेनबाट भाग्यशाली चिट्ठाको प्रथम पुरस्कारको लागि तानिएको गोलाको नतिजा अनुसार:

प्रथम-प्रेम ज्ञवाली गुल्मी (0219 ) ल्यापटप कम्प्युटर
द्दितिय-नन्द पुन (0302) डिजिटल क्यामेरा
तितृय-स्नेह कुंवर (0570) नेपालमा चल्ने आईफोन
सान्त्वना: मोहन मगर (0108) डिलु पुन (0290) मेग घर्ती (0462)

नोट: भाग्यशाली चिट्ठाको पुरस्कार प्राप्त गर्नुहुने महानुभावहरुले माथि उल्यखित नम्बर अनुसार टिकटको अर्धकट्टी सहित समाजका कुनैपनि पदाधिकारीहरु समक्ष सम्पर्क गरि पुरस्कार प्राप्त गर्न सक्नु हुनेछ ।

म्याग्दी रनिङ कप २०११ मा गुल्मी टीम बिजयी

2011-06-05T15:45:00.000-07:00

btulachan seoul korea
म्याग्दी समाज समिति दक्षिण कोरियाले आयोजना गरेको प्रतिष्प्रर्धात्मक भलिबल खेल म्याग्दी रनिङ कप २०११ लाई गुल्मी सम्पर्क समितिले आफ्नो पो्ल्टामा पार्न सफल भएको छ । प्रतियोगिताको फाईनल खेलमा पर्बत प्रवासी सेवा समाज संगको कडा प्रतिष्प्रर्धा संगै गुल्मी सम्पर्क समितिले २-१ को अन्तरले बिजय हांशिल गर्दै म्याग्दी कपलाई आफ्नो पो्ल्टामा पार्न सफल भएको हो । १५ टीमले सहभागिता जनाएको यस प्रतियोगितामा तेश्रो स्थानको लागि भएको गोला नतिजा अनुसार तनहुं प्रवासी उद्दार समितिले नेपाल मगर संघलाई पछि पार्दै तेश्रो स्थान प्राप्त गर्न सफल भएको छ गत सालको म्याग्दी रनिङ कप बिजयी बाग्लुङ टीम लगायत दाबेदार मानिएका अन्य टीमहरु पहिलो र दोश्रो चरणबाटै बाहिरिन पुगेका थिए । म्याग्दी रनिङ कप २०११ मा गुल्मी टीमका सुजन श्रेष्ठलाई उत्कृष्ट खेलाडी घोषणा गर्दै नगद पुरस्कार र प्रमाण पत्र बितरण गरिएको थियो । करिव ३ सयजना भलिबल फ्यानहरुको उपस्थित रहेको उक्त प्रतियोगितामा आयोजकको तर्फबाट सेलरोटी लगायतका मिष्ठान्न परिकारहरुको बिक्री बितरण गर्नुको साथै चुट्के र झ्याउरे भाकाका ठेट नेपाली गीतहरुले गुन्जायमान हलमा मनोरन्जन लिंदै प्रतिष्प्रर्धात्मक भलिबल खेलको अवलोकन गरेका थिए ।

म्याग्दी रनिङ कप २०११ बिजयी गुल्मी टीम

म्याग्दी रनिङ कप २०११ को टाईशीट तयार

2011-05-29T06:26:00.000-07:00

खेल टाईशीट ठूलोमा हेर्न टाईशीट स्क्रिनमा क्लिक गर्नुहोस

भरत तुलाचन ,सउल कोरिया

म्याग्दी समाज समिति दक्षिण कोरियाले जुन महिनाको ५ तारिख आईतबार अर्थात आगामी हप्ताको आईतबार आयोजना गर्न लागेको प्रतिष्प्रर्धात्मक भलिबल खेल म्याग्दी रनिङ कप २०११ को खेल टाईशीट सहभागी टीमका एक एक जना प्रतिनिधिहरुको उपस्थितिमा गोलाप्रथा माध्यमबट तयार गरेको छ । आज राजधानी सउलको सदेमुन स्थित एम टी यु को कार्यालयमा तयार गरिएको उक्त टाईशीट अनुसार म्याग्दी समाज समिति दक्षिण कोरियाको ए र बी गरि १५ टीमले सहभागिता जनाएका छन । टाईशीटमा म्याग्दी समाज बी टीमलाई पहिलो खेल खेल्नको लागि १ नम्बर प्रदान गर्दै अन्य १४ टीमले गोला ताने पनि म्याग्दी समाज ए टीमलाई दुई नम्बर परे पछि आयोजनाको पहिलो खेल म्याग्दी समाज ए र म्याग्दी समाज बी बिच प्रतिष्प्रर्धा हुने भएको छ त्यस्तै, दोश्रो खेल स्याङजा परिवार ए र नेपाल मगर संघको बिच कडा प्रतिष्प्रर्धा हुने छ । जुन ५ तारिख बिहान ठीक १० बजे देखि शुरु हुने यस आयोजनामा समयाभावको कारण हरेक प्रतिष्प्रर्धामा खेल समापन पश्चातको १५ मिनेट समय दिईने छ, तर उक्त समयमा प्रतिष्प्रर्धी मध्यका एक टीम खेल मैदानमा अनुपस्थित रहेमा सिधै खेल मैदानमा उपस्थित रहेको टीमलाई बिजयी बनाईने छ । यस आयोजनामा एम्पायरको लागि म्याग्दी समाज टीमबाट रवी मल्ल र नेपाल भलिबल संघको तर्फबाट नेपालबाटै एम्पायरको लाईसेन्स प्राप्त केश भक्त गुरुङले आयोजनाका सम्पूर्ण सेटहरुमा पहिलो मध्यष्थकर्ताको भूमिका निभाउनु हुने छ ।

म्याग्दी रनिङ कपको टाईशीट तयार हुदै, १५ टीमको सहभागिता

2011-05-29T00:19:00.000-07:00

लाईभ अपडेट 4:10

म्याग्दी समाज समिति दक्षिण कोरियाले आयोजना गर्न गईरहेको म्याग्दी रनिङ कपको टाईशीट तयार हुन लागेको छ । हाल सम्म १५ टीमले सहभागिता जनाएका छन । म्याग्दी बी लाई १ नम्बरको नाम दिइएको छ । २ नम्बर पाउने टीमले आयोजनाको शुरुको खेल खेल्नु पर्ने छ ।

अहिले सम्म दर्ता भएका टीमहरु यस प्रकार रहेका छन

१ म्याग्दी समाज A

२ रुपन्देही सम्पर्क समिति

३ अर्घाखांची परिवार

४ नवलपरासी

५ पर्वत सेवा समाज

६ नेपाल मगर संघ

७ स्याङजा परिवार A

८ बाग्लुङ सम्पर्क समिति A

९ गुल्मी सम्पर्क समिति

१० म्याग्दी समाज B

११ बाग्लुङ सम्पर्क समिति B

१२ तनहुं प्रवासी उद्दार समिति

१३ स्याङजा परिवार B

१४ लभ ईन नेपाल
१५ नेपाल भलिबल संघ

म्याग्दी रनिङ कपको टाईशीट २९ तारिख आईतबार तयार हुने

2011-05-24T16:28:00.000-07:00

म्याग्दी समाज समिति दक्षिण कोरियाले आयोजना गर्न लागेको म्याग्दी रनिङ कप २०११ को टाईशीटको लागि गोलाप्रथा मे महिनाको २९ तारिख आईतबार एम टि यु को कार्यालय सदेमुनमा सम्पन्न हुने भएको छ । दिनको ३ बजे सम्पन्न हुने गोलाप्रथा कार्यक्रममा सहभागि हुन कोरियामा रहेका संघ सस्थाका प्रतिनिधिहरुलाई हार्दिक अनुरोध गरिएको छ । म्याग्दी रनिङ कपमा सहभागि हुन चाहाने प्रत्यक टीमले प्रति टीम (१५०,०००) एक लाख पचास हजार ओन सहभागि शुल्क स्वरुप दाखिला गर्नु पर्ने छ । तर एउटै टीमको नामबाट ए र बी सहभागि हुने भएमा सहभागि शुल्क स्वरुप जम्मा २५०,००० दुईलाख पचास हजार ओन मात्र दाखिला गर्नु पर्नेछ । थप बिबरण...........
म्याग्दी रनिङ कपमा सहभागि हुने प्रत्यक टीमले टाईशीट तयार गर्दा खेलाडीको नामावलि अनिबार्य नभएता पनि एउटै नामको ए र बी टीमबाट भने ए वा बी मध्य कुनै एक टीममा आबश्यक ९ जना खेलाडीको नामावलि प्रष्ट रुपमा दर्ता गराए मात्र गोलाप्रथा कार्यक्रममा सहभागि हुन पाईने छ ।

स्थान:एम टि युको कार्यालय सदेमुन।

मिति:२०११ मे २९ तारिख आईतबार ।

समय: दिनको ३ बजे ।

यस्तो छ म्याग्दी अस्पतालको बास्तबिकता, पूरा गर्नै पर्छ हाम्रो प्रतिबद्दता !

2011-05-23T16:17:00.000-07:00

शल्यक्रिया गरेका बिरामी खुला आकाशमुनि

(कान्तिपूर अनलाईनमा घनश्याम खडकाले लेख्नु भएको रिपोर्ट जस्ताको तस्तै) म्याग्दी, जेष्ठ ९ - जिल्ला अस्पतालमा बिरामीको चाप बढेपछि शल्यक्रिया गरेका बिरामी खुला आकाशमुनि पेटीमा रात काट्न बाध्य भएका छन् । १५ शय्या क्षमताको उक्त अस्पतालमा १ सय ५८ जना बिरामी र उत्तिकै संख्यामा कुरुवा थपिएपछि अस्पतालको हल, प्यासेज, पेटी र रूख मुनि समेत बिरामी राखेर उपचार गराउनुपरेको अस्पतालले जनाएको छ । थप बिबरण.........
म्याग्दी अस्पतालमा सञ्चालित शिविरमा पाठेघरको अप्रेसन गरिएका बिरामीलाई राख्ने ठाउँ नहुँदा यसरी अस्पताल भवनको बाहिर पेटी र रूखमुनि राखिएको हो । आइतबार बिहान ६ बजे संवाददाता अस्पताल पुग्दा करिब ७० जना पाठेघरको शल्यक्रिया गरेका बिरामी अस्पतालको पेटीमा कम्बल, ब्ल्यांकेट र सिरकमा गुटमुटिएर सुतिरहेका थिए ।

'हिजो बिहानै शल्यक्रिया भएको तर भित्र सुत्ने ठाउँ नभएर पाल ओछ्याएर रातभर यहीं सुतियो,' पिप्ले २ की टीकावती मल्लले बताइन् । बिरामी महिलाको यस्तो भीड आजमात्र लागेको होइन । हरेक दिन उस्तै हुन्छ । बिरामीको चाप उस्तै रहे शिविर मंगलबारसम्म लम्ब्याइने आयोजकले बताएका छन् । शिक्षण अस्पताल महाराजगन्जका प्रोफेसर डा. पदमराज पन्तको नेतृत्वमा विनायक अस्पताल काठमाडौं र जिल्ला अस्पतालले आङ खसेका महिलाको पाठेघर शल्यक्रिया शिविर आयोजना गरेका हुन् । दुर्गम क्षेत्रमा पुगी आङ खसेका महिलाको पाठेघरको शल्यक्रिया गरेबापत स्वास्थ्य मन्त्रालयले विनायक अस्पताललाई प्रतिबिरामी २० हजार दिने गर्छ । शिविरमा शनिबारसम्म झन्डै एक हजार बिरामीको पाठेघर तथा यौन रोगको परीक्षण तथा १ सय ५८ जनाको सफल शल्यक्रिया गरिएको छ । शिविरमा बिरामीले ओढ्ने/ ओछ्याउनेबाहेक अन्य शुल्क लाग्दैन । जिल्ला अस्पतालका डा. लालबहादुर मल्लका अनुसार अझै ग्रामीण भेगका ६० प्रतिशत महिलामा पाठेघर सम्बन्धी समस्या छ ।

म्याग्दी रनिङ कपको तयारी बैठकमा म्याग्देलीहरुको उल्यख्य सहभागिता

2011-05-23T05:10:00.000-07:00

म्याग्दि समाज समिति दक्षिन कोरियाले आयोजना गर्न लागेको म्याग्दी रनिङ कपको तयारी स्वरुप बोलाईएको गत २२ तारिखको बैठकमा कार्य समिति लगायत उल्यख्य म्याग्देलीहरुको उपस्थितिमा बैठक सम्पन्न भएको छ । म्याग्देली सांगितिक सौगात पश्चात छाएको सुन्यतालाई तोड्दै उत्साहजनक रुपमा म्याग्देलीहरुको दह्रो उपस्थिति भएको हो । करिब तीस जना म्याग्देलीहरुको उपस्थितिमा समितिको हिजो आईतबार बसेको बैठकले समाजले आयोजना गर्न लागेको म्याग्दी रनिङ कपलाई पूर्ण सफल बनाउनु पर्नेमा जोड दिंदै कार्यक्रमको लागि आबश्यक सम्पूर्ण तयारीको बारेमा छलफल गरि अन्तिम निर्णय गरेको छ । राजधानी सउल देखि २ घण्टा टाढा रहेको अस्पतालबाट Read More...........

बैठकको अध्यक्षता गर्न समाजका अध्यक्ष नर बहादुर पुन बैठक स्थल आईपुग्नु भएको थियो । बैठकले भलिबलको प्रथम र द्दितिय पुरस्कार राशी बढाउने निर्णय गरेको छ भने म्याग्देली खेलाडीहरुको ड्रेस समेत नयां बनाउने निर्णय गर्दै हिंजै नयां ड्रेशको अर्डर समेत दिई सकिएको छ ।

एक जना म्याग्देलीको धन्नै ज्यान गएन, तीन दिन आईसियुमा राखे पश्चात हाल खतरा मुक्त

2011-05-22T16:33:00.000-07:00

म्याग्दी जिल्ला मल्कबाङबाट करिब १० बर्ष अगाडी कोरिया भित्रिनु भएका पुर्ण बहादुर छन्त्याल एक कन्सट्रकशन कम्पनीको बिलडिङ बनाउंदै गर्दा दुर्घटना हुन पुगि हाल अस्पताल भर्ना हुनु भएको छ । निर्माधिन बिलडिङको १ टल्ला माथिबाट तल कंक्रिटमा बज्रिन पुगेपछि उहां बेहोश हुनु भएको थियो । थप बिबरण

शरीरको बिभिन्न भागमा गहिरो चोट लागि बेहोश बनेका छन्त्याललाई ३ दिन अस्पतालको आईसियु (जहां बिरामीको अन्तिम अबस्थामा राख्ने गरिन्छ ) मा राखिएको थियो । हाल बिरामीको अबस्था खतरा मुक्त भएको र अस्पतालको साधारण बेडमा सारिएको कुरा म्याग्दी समाजका कोषाध्यक्ष रत्न छन्त्यालले बताउनु भएको छ । क्योङगिडो किम्पो स्थित उरी अस्पतालमा रहेका बिरामी पुर्ण बहादुर छन्त्याललाई भेट्न जानु चाहानुहुने महानुभावहरुले तलको टेगाना प्रयोग गर्न सक्नु हुने छ ।

अस्पताल: किम्पो उरी अस्पताल (चौठो तल्लाको 404 नम्बरको रुम)
ठेगाना: kyonggido Kimpo si Kalphodong 389-15
फोन नम्बर: 031-999-1000
अस्पताल जाने तरिका : योङडम्फू श्टेशनबाट 60-3 को बस प्रयोग गरि चिक्याङ बस टर्मिनलमा झर्ने । टर्मिनलबाट सिधा अगाडी 5 मिनेट हिंदेर अस्पताल पुग्न सकिन्छ ।

मे 22 तारिख आईतबार म्याग्दी रनिङ कप २०११ तयारी बैठक बस्ने

2011-05-16T16:35:00.000-07:00

म्याग्दी समाज समिति दक्षिण कोरियाले आयोजना गर्न लागेको प्रतिष्प्रर्धातमक भलिबल खेल -म्याग्दी कपको- तयारी गर्नको लागि मे 22 तारिख आईतबार म्याग्दी समाज कार्य समितिको बैठक बस्ने भएको छ । बैठकमा आबश्यक सामग्रीहरुको तयारी लगायत अन्य बिषयमा छलफल हुने छ । बैठकमा उपस्थित भईदिनु हुन कार्य समितिका सम्पूर्ण पदाधिकारीहरु तथा म्याग्देली दाजुभाई तथा दिदी बहिनीहरुलाई हार्दिक अनुरोध छ ।
स्थान: तोङदेमुन स्थित नाकसान भिल्लेज
समय: १२ बजे

जुन ५ तारिख आईतबार आयोजना गरिने म्याग्दी रनिङ कप २०११ को तयारी द्रुत गतिमा हुंदै

2011-05-16T05:22:00.000-07:00

म्याग्दी समाज समिति दक्षिण कोरियाले आगामी जुन ५ तारिख आईतबारको दिनमा आयोजना गर्न लागेको प्रतिष्प्रर्धात्मक भलिबल खेल म्याग्दी रनिङ कप २०११ को तयारी द्रुत गतिमा हुंदै गरेको छ । प्रतियोगितामा सहभागिता जनाउन कोरियामा रहेका क्रियाशील संघ संस्थाहरुलाई पत्राचार गरि सकिएको छ । उक्त प्रतियोगिताको लागि आबश्यक खेल टाईशीटको लागि यसै महिनाको २९ तारिख आईतबार गोलाप्रथाको मिति तय गरिएको छ । प्रतियोगितामा आकर्षक पुरस्कार सहितको भाग्यशाली चिट्ठाको समेत ब्यबस्था गरिनुको साथै आयोजकको तर्फबाट सेलरोटी लगायतका मिष्ठान्न परिकारहरु बेचबिखन गरिने छ । म्याग्दी रनिङ कपको गत साल बिजेता बाग्लुङ टीमले म्याग्दी कपलाई सदाको लागि पोल्टामा पार्ने हो वा अन्य नयां टीमले खोस्ने हो प्रतिक्षाको बिषय भएको छ ।

प्युथान निवासी खेम थापा मगर अस्पतालमा, सहयोगको लागि अनुरोध

2011-05-14T20:56:00.000-07:00

प्युथान जिल्लाबाट कोरियाली भूमिमा आई कार्यरत खेम थापा मगर कामकै सिलसिलामा ढाडको हड्डी भांच्चिन पुगेकोले अप्रेशन गरेर हाल अस्पताल रहनु भएको छ । राजधानी सउलको तोङदेमुन स्थित दुसान टावरको पछाडी रहेको कुकरिम अस्पतालमा गत एक हप्ता देखि रहेका थापा कोरिया भित्रिए देखिनै म्याग्देलीहरु संग अति नजिक मानिनु हुन्छ । म्याग्देलीहरुको हरेक सुख दुखमा साथ दिदै आउनु भएका थापालाई हाल चिरपरिचित साथीभाईहरुबाट सहयोग रकम समेत संकलन भईरहेको छ । यदि उहांलाई सहयोग गर्ने मनशाय भएका ब्यक्तीहरुको लागि टंक पाईजा म्याग्दी 010 2914 3956 को फोन नम्बरमा सम्पर्क गरि सहयोग गर्न सक्नु हुने छ । सहयोग बिबरण..........

क्र सं	नामथर	ठेगाना	सहयोग रकम
1	टंक पाईजा	म्याग्दी कोटगाऊं	100,000
2	सुरेश राना	म्याग्दी सिख देउराली	100,000
3	टेक बहादुर राना	स्याङजा	100,000
4	याम पुन	म्याग्दी	50,000
5	बिकाश पुन	म्याग्दी	50,000
6	सोनम पुन	म्याग्दी	50,000
7	नानी पुन	म्याग्दी	50,000
8	रेम पुर्जा	म्याग्दी ,रिम	100,000
9	दिल प्रसाद बुढा	म्याग्दी दरबाङ	100,000
10	नरशिं घर्ती	म्याग्दी,च्युरीबोट	100,000
11	लाल गौचन	मुस्ताङ	100,000
12	नन्द पुन	गुल्मी	100,000
13	जगत थापा	स्याङजा	50,000
14	जंग पुन	पर्वत	50,000
15	ज्योती बुढा	रुकुम	60,000

मे १ तारिख आईतबार म्याग्दी समाज कार्य समितिको बैठक बस्ने

2011-04-26T05:02:00.000-07:00

म्याग्दी समाज समिति दकषिन कोरियाले आयोजना गर्न लागेको प्रतिष्प्रर्धातमक भलिबल खेल -म्याग्दी कपको- तयारी गर्नको लागि मे १ तारिख आईतबार म्याग्दी समाज कार्य समितिको बैठक बस्ने भएको छ । बैठकमा आग्यशाली चिट्ठाको टिकट बितरण तथा आबश्यक सामग्रीहरुको तयारी हुने छ । बैठकमा उपस्थित भईदिनु हुन कार्य समितिका सम्पूर्ण पदाधिकारीहरु तथा म्याग्देली दाजुभाईतथा दिदी बहिनीहरुलाई हार्दिक अनुरोध छ ।

स्थान: तोङदेमुन स्थित नाकसान भिल्लेज

समय: १२ बजे ।

म्याग्दी समाज भलिबल टीम पुन: असफल

2011-04-25T04:34:00.000-07:00

नेपाल सम्पर्क समिति दक्षिण कोरियाले हिजो आईतबार आयोजना गरेको एन सिसी रनिङ कपमा म्याग्देली टीमले सहभागिता जनाएपनि सेमिफईनल खेलमा नेपाल भलिबल संघ नामक नयां टीम संगको प्रतिष्प्रर्धामा बाहिरिनु पर्यो । ठूलो जमातमा हुटिङ गर्न पुगेका म्याग्देलीहरुलाई माङवलसानको भलिबल ग्राउन्डले पुन: एक पल्ट निराश तुल्याईदियो । Read More...
लगातार दुई पल्ट जितेको एन सिसी कप खोसियो । तर निराश म्याग्देलीहरु तथा म्याग्देली खेलाडीहरुले आगामी जुन ५ तारिखमा आफनो प्रतिष्प्रर्धात्मक भलिबल खेल आयोजनालाई पूर्ण रुपमा सफल बनाउने बाचा गर्दै राती अबेर सम्म हल परिसरमा नाचगान गरेर रमाईलो गरे ।

तेश्रो एन सि सी रनिङ कपमा म्याग्दी समाज घान्द्रुक समाजसंग पहिलो खेल खेल्ने

2011-04-20T07:09:00.000-07:00

नेपाल सम्पर्क समिति दक्षिण कोरियाले आयोजना गर्न गई रहेको तेश्रो एन सि सी रनिङ कपमा म्याग्दी समाज आयोजनाको छैठौ खेलमा घान्द्रुक समाजसंग पहिलो खेल खेल खेल्नु पर्ने भएको छ । घान्द्रुक समाजसंगको पहिलो खेलमा बिजय हांशिल गरेमा सिधै सेमिफाईनल खेलमा प्रबेष गर्न पाईने भएको छ । १२ टीमले सहभागिता जनाएको उक्त प्रतियोगितामा नव प्रबेषी टीमहरुको बाहुल्यता रहेको पाईएको छ ।

कसरी जान सकिन्छ ईन्छन स्थित अस्पतालमा ?

2011-04-16T18:50:00.000-07:00

गत सुक्रबार कम्पनीको कामको सिलसिलामा दुर्घटनामा परि अस्पताल भर्ना हुनु भएका म्याग्दी समाजका अध्यक्ष नर बहादुर पुनलाई भेट्न जान चाहानु हुने महानुभावहरु तलको तरिका अनुसार जान सक्नु हुने छ ।

अस्पताल- ईन्छन स्थित बोराम छङह्यङ उईख्वा उईवन

जाने तरिका- १ नम्बर लाईन बाट बुफ्यङबाट केयाङ जाने लाईन समातेर छाकछन स्टेशनमा झर्ने, १ नम्बर गेटबाट ५८८ नम्बरको बस प्रयोग । वा ट्याक्सीबाट 5 मिनेटको यात्रा पश्चात अस्पतालकै अगाडी पुग्न सकिन्छ । अस्पतालको ३ फ्लर रुम नम्बर ३२३ । अस्पताल सम्पर्क- 032 554 1784

म्याग्दी समाजका अध्यक्ष अस्पतालमा,लामो समय अस्पताल बस्नु पर्ने सम्भावना

2011-04-15T07:02:00.000-07:00

म्याग्दी समाज समिति दक्षिण कोरियाका अध्यक्ष नर बहादुर पुन आकष्मिक रुपमा ईन्छन स्थित एक अस्पतालमा भर्ना हुनु भएको छ । आज सांझ थसेस अध्यक्ष भक्त सेरचनले दिनु भएको जानाकारी अनुसार दिंउसो कम्पनीमा कामकै सिलसिलामा दुर्घटनामा पर्नु भएकोले आकष्मिक रुपमा अस्पतालमा भर्ना हुनु परेको हो । घटनाको बारेमा पूर्ण जानाकारी प्राप्त हुन नसकेता पनि कुम र टाउकोको बिचमा रहेको हड्डी फुटेको थाहा भएको छ । ईन्छन शहर स्थित एक मासु कम्पनीमा कार्यरत उहां आज दिउंसो दुर्घटनामा पर्नु भएको हो । थप जानाकारी र असपतालको बारेमा थप जानाकारी राखदै जाने छु हेर्दै गर्न होला म्याग्दी समाज कोरिया ब्लग...........

माङवलसानमा म्याग्दी रनिङ कपको आयोजना हुने, १० तारिख आईतबार कार्य समितिको बैठक बस्ने

2011-04-06T16:38:00.000-07:00

म्याग्दी समाज समिति दक्षिण कोरिया कार्य समितिको बैठक यसै हप्ता बस्दैछ । म्याग्दी रनिङ कपको आयोजना,एन सिसी कपमा सहभागिता,म्याग्देली सांगितिक सौगातको बांकी हिसाबकिताब लगायतका बिषयहरु माथि बैठकमा छलफल हुने थाहा भएको छ । बैठक स्थलको लागि शनिबार सम्मा निश्चित हुने भएको छ भने आगामी जुन ५ तारिख आईतबार आयोजना हुने म्याग्दी रनिङ कपको लागि माङवलसानको हल पक्का भएको जानाकारीमा आएको छ ।

स्वर्गीय बिरु रोका सहयोगार्थ संकलित तथा निजी रकम नेपाल पठाईयो

2011-03-23T05:21:00.000-07:00

कोरियाली भूमिमा गत डिसेम्बर पांच तारिख आईतबारको दिनमा आकष्मिक निधन हुनु भएका म्याग्दी समाजका भुपु अध्यक्ष स्वर्गीय बिरु रोका सहयोगार्थ संकलित रकम र उहांको निजी रकम एकमुष्ठ गरि यसै हप्ता पोखरा स्थित घरपरिवारलाई पठाईएको छ । चन्दा संकलन र उहांको निजी रकम गरि कूल 146,92,100 (एक करोड छयालिस लाख बयानब्बे हजार एक सय ओन) जम्मा भएकोमा उहांको आकष्मिक निधन पश्चात कोरियाली अस्पताल देखि नेपाल पुर्याउंदा सम्म 61,10,200 (एकसठ्टी लाख दश हजार दुई सय ओन) खर्च देखिन आएकोले बांकी रकम 85,81,900 ओनको गत आईतबारको हुन्डी भाउ 15.50 अनुसार नेरु. 553,900 पांचलाख तिरपन्न हजार नौ सय रुपैयां म्याग्दि समाज समिति दक्षिण कोरियाको नामबाट पठाईएको छ ।

म्याग्दी अस्पतालको आकष्मिक कक्ष निर्माणार्थ सहयोगी महानुभावहरुको लागिको लागि सुचना

2011-02-27T05:40:00.000-08:00

यो सुचना प्रकाशित गरिन्छ कि , म्याग्दी समाज समिति दक्षिण कोरियाले आयोजना गरेको म्याग्देली सांगितिक सौगात २०११ मार्फत म्याग्दी अस्पतालको आकष्मिक कक्ष निर्माण सहयोगार्थ चन्दा सहयोगको रुपमा नामावलि दर्ता गर्नु भएका चन्दादाता माहानुभावहरुमा यथासिघ्र तल उल्यखित म्याग्दी समाजको ब्याङ्क खातामा चन्दा रकम पठाई सहयोग गर्नु हुन हार्दिक अनुरोध गरिन्छ ।

Bank Account No. 225014-56-046851 농협 은행 ( Ratna Chaantyal) कोषाध्यक्ष म्याग्दी समाज ।

२७ तारिख आईतबार कार्य समितिको बैठक,टिकटको अर्धकट्टी उपलब्ध गराईदिनु हुन अनुरोध

2011-02-22T04:04:00.000-08:00

म्याग्दी समाज समिति दक्षिण कोरियाले आयोजना गरेको म्याग्देली सांगितिक सौगातको टिकट बिक्री बितरण गरि सहयोग गर्नु भएका संघसंस्था तथा ब्यक्तीहरुलाई टिकटको अर्धकट्टी समयमा नै उपलब्ध गराई सहयोग गरि दिनुहुन म्याग्दी समाज समिति दक्षिण कोरिया द्दवारा हार्दिक अनुरोध गरिएको छ । साथै यसै हप्ताको आईतबार म्याग्दी समाज समिति द कोरियाको बैठक पुन: बस्ने भएको छ । अघिल्लो हप्ताको आईतबार बसेको बैठकमा कार्यक्रमको सम्पूर्ण हिसाब किताब सम्बन्धि कार्य समापन हुन नसकेकोले आगामी २७ तारिख आईतबार पुन: कार्य समितिको बैठक बस्ने भएको हो ।

म्याग्दी समाजले जुन ५ तारिख आईतबार प्रतिष्प्रर्धात्मक भलिबल खेलको आयोजना गर्ने

2011-02-13T03:58:00.000-08:00

म्याग्दी समाज समिति दक्षिण कोरियाले आगामी जुन ५ तारिख आईतबारको दिन प्रतिष्प्रर्धात्मक भलिबल खेलको आयोजना गर्ने भएको छ । आज बसेको कार्य समितिको बैठकले आगामी जुन ५ तारिख आईतबारको दिन प्रतिष्प्रर्धात्मक भलिबल खेलको आयोजना गर्ने निर्णय गरेको हो । प्रतिष्प्रर्धात्मक भलिबल खेलको आयोजना गर्ने स्थानको निश्चित भई नसकेको भएता पनि एक दुई हप्ता भित्र नै हलको निश्चित हुन सक्ने कुरा म्याग्दी समाज समिति दक्षिण कोरियाका अध्यक्ष नर बहादुर पुनले बताउनु भएको छ । स्मरणिय रहोस् म्याग्दी समाज समिति दक्षिण कोरियाले बिगत १० बर्ष देखि लगातार प्रतिष्प्रर्धात्मक भलिबल खेलको आयोजना गर्दै आईरहेको छ । उक्त दिन कोरियामा रहेका संघसंस्थाहरुले कुनै कार्यक्रमहरु नजुधाई सहयोग गरि दिनुहुन अनुरोध गरिएको छ ।

म्याग्देली सांगितिक सौगातका कलाकारहरुको बिदाई, सउल देखि एअरपोर्ट सम्म

2011-02-10T06:54:00.000-08:00

गत ३ तारिख सांझ ८ बजे देखि कलाकार बिदाई कार्यक्रमको सुरुवात गर्ने गरि तयारी गरिरहेको भएतापनि दिनभर कलाकारहरुलाई कोरियाको रमणिय भ्रमण स्थलहरुमा घुमाउन र सांझ ५ बजे देखि सुरु भएको सपिङले निश्चित समय भन्दा ३ घण्ट ढिलो गरि रातको ११ बजे देखि औपचारिक रुपमा बिदाई कार्यक्रमको शुरुवात गरियो । त्यतिन्जेल सम्म कार्यक्रम स्थल दुर्गा रेष्टुरेण्टमा म्याग्देली तथा गैर म्याग्देली गरि करिव १०० जना Read More.....

जतिको उपस्थितिले रेष्टुरेण्टको हल लगभग खचाखच भरिएको थियो । कार्यक्रममा कलाकारहरुको सम्मान लगायतका औपचारिक अन्य कार्यक्रमहरुको समाप्ति पछि गायक गायिकाहरुको प्रस्तुतिले दुर्गा रेष्टुरेण्टको हल नै थर्काईदियो । लगभग रातको ४ बजे सम्मको लाईभ मनोरन्जन पश्चात कलाकारहरुलाई बिबिध गिफ्टहरु प्रदान गर्दै बिदाई कार्यक्रमको समापन गरियो । बिहान ६:३० बजे कलाकारहरुलाई एअरपोर्ट सम्म बिदाई गर्न म्याग्दी समाजका अध्यक्ष,सल्लाहकारहरु लगायत कार्य समितिका पदाधिकारीहरु ईन्छन बिमान स्थल सम्म पुगेका थिए ।

१३ तारिख आईतबार म्याग्दी समाज कार्य समितिको बैठक बस्ने

2011-02-09T04:40:00.000-08:00

म्याग्दी समाज समिति दक्षिण कोरिया कार्य समितिको बैठक यसै हप्ताको १३ तारिख आईतबार बस्ने भएको छ । राजधानी सउलको तोङदेमुन शहरमा बसिने बैठकको बैठक स्थल भने खुलाईएको छैन । गत फेब्रुअरी २ तारिख आयोजना गरेको म्याग्देली सांगितिक सौगात आयोजना पश्चात पहिलो पल्ट कार्यसमितिको बैठक बस्न लागेको हो । उक्त दिनको बैठकले कार्यक्रमको हिसाब किताब तथा अन्य बिबिध बिषयमा छलफल गरिने जनाईएको छ । बैठकमा उपस्थित हुन कार्य समितिका सम्पूर्ण पदाधिकारी सल्लाहकारज्युहरु तथा म्याग्देली साधारण सदस्यहरुमा हार्दिक अनुरोध गरिएको छ ।

रेशुङगा भलिबल खेलमा म्याग्दी समाजलाई दोश्रो पुरस्कार

2011-02-07T04:48:00.000-08:00

btulachan,Seoul korea
गत ५ तारिख शनिबारको दिन गुल्मी सम्पर्क समिति दक्षिण कोरियाले आयोजना गरेको रेशुङगा भलिबल कप प्रतियो गितामा म्याग्दी समाज समिति दक्षिण कोरियालाई दोश्रो स्थान प्राप्त भएको छ । More...
खेलको पहिलो चरणमा गुल्मी बी लाई सजिलै पछि पार्दै सेमि फाईनलमा प्रबेश गरेको म्याग्दी समाजलाई सुदुरपश्चिम टीम भने फलामको च्युरा साबित भयो । क्वाटर फाईनलमा आश्चार्य रुपमा बाग्लुङ टीमलाई पछारेको सुदुरपश्चिमले म्याग्दीलाई समेत सजिलै अगाडी बढ्न दिएन । सेमि फाईनलमा म्याग्दीलाई मुश्किलले पहिलो खेल जितेको सुदुरपश्चिमले दोश्रो खेल भने हल्का रुपमा म्याग्दीले पछि पार्यो ।

तर १-१ अन्तर पछिको फाईनलमा पुन: जाडुनै देखायो सुदुरपश्चिमले । म्याग्दीलाई १८- २२ ले पारेको फरकले त फाईनल सम्म पुग्ने आशा लगभग समाप्त भईसकेको अबस्थामा पुन: म्याग्देली खेलाडीहरुले जाडुकै तालमा सुदुरपश्चिमलाई ब्लग गर्दै फाईनल प्रबेश गर्यो । तर फाईनल खेलमा गुल्मी ए माथि बिजय गर्न सक्ने लगभग निश्चित भईसकेको समय अर्थात अन्तिम फाईनल गेममा १९- २३ ले अगाडी बढेपनि गुल्मीले म्याग्दी माथि जाडुकै तालमा ढावा बोल्दै २४-२४,२५-२५ पुर्याएर अन्तिम बल म्याग्देली ग्राउन्डमा बज्रिन पुगेपछि प्रथम हुने म्याग्देली आशालाई तुहाईदियो ।

कलाकारहरुको सम्मान र बिदाई कार्यक्रम सम्पन्न कलाकारहरु ४ तारिख स्वदेश फिर्ता

2011-02-05T18:27:00.000-08:00

म्याग्देली सांगितिक सौगातमा भागलिन नेपालबाट कोरिया आई पुगेका कलाकारहरुको सम्मानमा ३ तारिख सांझ बिदाई कार्यक्रम सम्पन्न भएको छ । म्याग्दी समाज समिति दक्षिण कोरियाले राजधानी सउलको छोङगाक स्थित दुर्गा रेष्टुरेण्टमा आयोजना गरेको उक्त बिदाई कार्यक्रम मार्फत समाजका अध्यक्ष नर बहादुर पुनले सहभागि कलाकारहरुलाई सम्मान पत्र र खाडा ओदयाएर सम्मान गर्नु भएको थियो । Read More...........
सयौं जना म्याग्देलीहरुको उपस्थिति रहेको बिदाई कार्यक्रम राती अबेर सम्म नाचगान र मनोरन्जनमय बनेको थियो । त्यस्तै कार्यक्रममा सहभागि सबै कलाकारहरु गत ४ तारिख बिहान ९ बजे हङकङ हुंदै स्वदेश फिर्ता फिर्ता भएका छन । कलाकारहरुलाई बिदाई गर्न समाजका अध्यक्ष ,सल्लाहकारहरु लगायत कार्य समितिका अन्य पदाधिकारी ईन्छन बिमान स्थल पुगेका थिए ।

म्याग्देली सांगितिक सौगात २०११ सम्पन्न

2011-02-04T18:52:00.000-08:00

म्याग्देली सांगितिक सौगात भाग २ म्याग्दी समाज समिति दक्षिण कोरियाको आयोजनामा राजधानी सउलको केबिएस फालफाल स्टुडियममा सम्पन्न भएको छ । कोरियाको महान पर्व सल्नालको पहिलो दिन आयोजना गरिएको उक्त म्याग्देली सांगितिक सौगात भाग २ मा नेपालबाट बिश्व किर्तिमानी खगेन्द्र थापा मगर सहित नेपालका चर्चित कलाकारहरुले सहभागिता जनाउंदै उत्कृष्ट प्रस्तुति प्रस्तुत गरेका थिए ।
दिनको २ बजे कोरियाका लागि नेपाली राजदूत महामहिम कमल प्रसाद कोईराला र म्याग्दी समाजका अध्यक्ष नर बहादुर पुनबाट संयुक्त रुपमा उद्घाटन गरिएको म्याग्देली सांगितिक सौगात भाग २ बिबिध मनोरन्जन पूर्ण बाताबरणमा सांझ ८ बजे समापन भएको थियो ।

म्याग्देली सास्कृतिक सौगातका कलाकारहरु कोरियामा

2011-02-01T06:12:00.000-08:00

उमेश बस्नेत सिओल

कोरियाको महान चाड सलनालको अबसरमा फेब्रवरी २का दिन म्याग्दी समाजले म्याग्दी जिल्ला अस्पतालको सहयोगार्थ म्याग्देली सास्कृतिक सौगातमा विश्व प्रशिद्द गिनिज बूक अफ वोर्ल्ड रिकर्डसमा संसारकै होचा मानिसको रुपमा आफ्नो नाम लेखाउन सफल खगेन्द्र थापा मगर सहित हास्य कलाकार दिपा श्री निरौला, नायिका ताथा नृत्यकार गरिमा पन्त, आधुनिक तथा पप गायक शिब परियार तथा अन्जना गुरुङ्ग लोक दोहोरि गायिका कृष्ण परियार कोरिया आईपुग्नु

भएको छ ।

हंगकंग हुदै उहाहरु कोरिया आउनु भएको हो उहाहरुलाई स्वागत गर्न म्याग्दी समाजका अध्यक्ष नर बहादुर पुन उपाध्यक्ष नारायण बरुवाल, बिनोद कुँवर, लक्ष्मन् बोगटी, रबिन छन्तेल, ओम काउछा, नरेन्द्र पुर्जा, भक्त शेरचन, लगाएत जानु भएको थियो । विश्व प्रशिद्द गिनिज बूक अफ वोर्ल्ड रिकर्डसमा संसारकै होचा मानिसको रुपमा आफ्नो नाम लेखाउन सफल खगेन्द्र थापा मगरको उक्त कार्यक्रममा उपस्थती हुने भएको हुदा कार्यक्रम उत्कृस्ट हुने ठहराइएको छ । साथै कोरियामा रहनु भएका सम्पूर्ण नेपाली दाजु भाइ दिदि बहिनिहरुमा म्याग्देली सास्कृतिक सौगातमा उपस्थती भैदिनुहुन म्याग्दी समाज हार्दिक अनुरोध गरेको छ ।

म्याग्देली सांगितिक सौगातको सम्पूर्ण तयारी पूरा

2011-01-31T08:04:00.000-08:00

सलनालको पहिलो दिन अर्थात फेब्रुअरी २ तारिख बुधबारको दिन म्याग्दी समाज समिति दक्षिण कोरियाले आयोजना गर्न लागेको म्याग्देली सामगितिक सौगातको सम्पूर्ण तयारी पूरा भएको छ । कार्यक्रममा सहभागि हुने नेपालका चर्चित कलाकारहरुको टोलि १ तारिख दिउंसो ईन्छन बिमान स्थलमा उत्रने छन । भोलि दिउंसो संस्थाका पदाधिकारीहरु तथा कोरिया स्थित पत्रकारहरुका साथ कलाकारहरुको टोलिलाई ईन्छन बिमान स्थलमा स्वागत गर्न जाने तयारी भईरहेको जानाकारीमा आएको छ । बिशेष गरि बिश्व

किर्तिमानी खगेन्द्र थापा मगरको लागि कोरियाली सरकारको तर्फबाट अंगरक्षक प्राप्त हुन सक्ने कुरा चर्चामा आएको छ भने कोरियाली पत्रकारहरुले सोधखोज गरिरहेको जानाकारीमा आएको छ । यता आयोजक म्याग्दी समाजले कार्यक्रमको लागि आबश्यक सम्पूर्ण सामाग्रीहरु लगायत आबश्यक् भोलेन्टियर र कलाकार सुरक्षाको ब्यबस्था समेत पूरा गरेको छ ।

बिश्वकै अग्लो हिमाल हेर्न नेपाल जानु ,बिश्वकै होचो मान्छे फेब्रुअरी २ मा तपाइँ हाम्रै सामु

2011-01-29T09:59:00.000-08:00

बाबुराम शर्मा , सौल
हामि कति भाग्यमानि छौ भन्ने कुरा हामि नेपालि भएर मात्रै महसुस गर्न पाइरहेका छौ होला प्रकृतिले भरिपूर्ण हाम्रो देश अनेकौ बिबिधता ले पनि उत्तिकै सम्पन्न छ। त्यसै माथि विभिन्न जातजाति भाषा भाषी रहन सहनले हाम्रो पहिचान बिदेशी मुलुकमा छुट्टै छ। बिश्वकै अग्लो शिखर सगरमाथाको देश हाम्रो नेपाल बिश्वकै सबैभन्दा होचा व्यक्ति खगेन्द्र थापामगर भएको देश हाम्रो नेपाल त्यसैले त हामि गौरवान्वित छौ आफुलाई नेपालि भनेर चिनाउन कहिले बिश्वकै नजर सबै भन्दा अग्लो शिखरको रुपमा नेपाल रह्यो भने कहिले बिश्वकै सबै भन्दा होचा व्यक्तिको रुपमा नेपाल रहयो तिनै हाम्रो नेपालि हरुका गौरबशाली चिज हरुलाई प्रचार प्रसारमा ल्याएर हाम्रो देश लाइ अझै उच्च शिखरमा पुर्याउनु हाम्रो जिम्मेवारी हो। यहि जिम्मेवारीलाई अनुबोध गर्दै म्याग्दी समाज समिति दक्षिण कोरियाले यहि फेब्रुअरी २ तारिखमा गर्न लागेको म्याग्देली सांगीतिक सौगातमा बिश्वकै होचा व्यक्ति हामी नेपालिहरुलो गौरब खगेन्द्र थापामगर लाइ ल्याउने जमर्को गरेको हो यस कार्यक्रम बाट संकलित रकम म्याग्दी जिल्ला अस्पतालमा आकस्मिक कक्ष निर्माणमा खर्च गरिने छ।

अहिले हाम्रो देश पर्यटन बर्ष २०११ मनाइरहेको छ यसको अर्थ देशभित्र रहेका नेपालि ले मात्र पर्यटन बर्ष मनाउनु भन्ने भने पक्कै पनि होइन यसमा सम्पूर्ण देश बिदेशमा रहेका नेपालि हरुले आफ्नो देशका पर्यटकीय महत्व बोकेका चिज हरुलाई प्रचार प्रसार मा ल्याएर बढी से बढी पर्यटक हरु नेपाल भित्र्याएर मुलुकको आर्थिक स्तर र नेपालको सानलाइ विश्व सामु चिनाउनु हो यसै पर्यटन बर्षलाई मध्यनजर राख्दै हामिले बिश्वकै होचा व्यक्ति खगेन्द्र थापा मगरलाई म्याग्देली सास्कृतिक सौगातको प्रमुख आकर्षकको रुपमा लिएका छौ पक्कै पनि यहाहरुले हाम्रो भावनाको सम्मान गर्नु हुनेछ। “एउटा उखान छ-काठको मानो ढुंगाको छानो,सोझामान्छे नपाए बागलुंग जानू।जसरी न्याय नपाए गोर्खा जानू भन्ने उखानले एकचोटि बजार पिटेको थियो उसरी नै काठको मानू ढुंगाको छानू सोझा मान्छे नपाए बागलुंग जानू भन्ने भनाईले पनि सेरोफेरोमा निकै धमाका मच्चाएकै हो।अहिले यसलाई बदल्नु पर्ने भएको छ:काठको मानो,ढुंगाको छानू,विश्वकै होचा मानिस कहिं नपाए बागलुंग जानू!” पक्कै पनि हामीले हाम्रा देशका गौरब हरुलाई सहि सदुपयोग गर्न सक्यौ भने सधैभरी बिदेशी भूमिमा पसिनाका थोपाहरु चुहाउनु भने पक्कै पर्ने छैन. विश्व प्रशिद्द गिनिज बूक अफ वोर्ल्ड रिकर्डसमा संसारकै होचा मानिसको रुपमा आफ्नो नाम लेखाउन सफल खगेन्द्र थापा मगरको जन्म October 14, 1992[1]) नेपाली पन्चांग अनुसार उहां असोज १८ ,२०४९ मा सामन्ती शासनको बेला प्राचिन नेपालमा उक्त उखानको उद्भव थलो यही सोझा मानिसहरु पाईने जिल्लाको बागलुंगको धुल्लु बांसकोट गाविसमा भएको थियो

थियो।श्री थापा मगर रुपबहादुर थापा मगर र माया थापा मगरका सुपुत्र हुनुहुन्छ।उहांको उचाई जम्मा दुई फूट साढे दुई इन्च छ।उनी भन्दा अगिका विश्वका सबभन्दा होचा किशोर एडवार्ड निनो हर्नान्डेज थिए।यिनै व्यक्तित्व फरवरी १ मा हामीकहां कोरियामा आउंदै हुनुहुन्छ।म्याग्देली समाजले आयोजना गरेको सांस्क्रितिक कार्यक्रममा भाग लिन आउने विश्वकै होचा यी व्यक्ति धाराप्रवाह बोल्दै चुट्का भन्न नि खप्पिस छन्, यिनी यसरि पनि नाच्न सक्छन यो लिंक मा क्लिक गरेर हेर्न पनि सक्नुहुनेछ

सो म्याग्देली सास्कृतिक सौगातमा खगेन्द्र थापा मगर सहित हास्य कलाकार दिपा श्री निरौला बाट उदघोषण तथा हास्य कला प्रस्तुत साथै नायिका ताथा नृत्यकार गरिमा पन्त बाट नृत्य आधुनिक तथा पप गायक शिब परियार तथा अन्जना गुरुङ्ग लोक दोहोरि गायिका कृष्ण परियार को बेजोड प्रस्तुती रहनेछ।

मितिः२०११ फेब्रुअरी ३ तारिख बिहिबार

समयः दिनको १२ बजे

स्थानः फाल फालजेयु ख्वान लाइफ लङ एजुकेशन सेन्टर

जाने तरिका लाइन नम्बर ५ को बालसन स्टेसन, गेट नम्बर ५

बस यङदम्पो स्टेशन अगाडीबाट किम्पो तर्फ जाने बसहरु ६० - ३ , २ ,६० , ६३१ नम्बर लगाएतका बसहरु मा चढेर बालसन स्टेस्शन मा उत्रने

३० तारिख आईतबार म्याग्दी समाज कार्य समितिको बैठक तोङदेमुनमा बस्ने

2011-01-29T01:21:00.000-08:00

म्याग्दी समाज समिति दक्षिण कोरियाले आयोजना गर्न गईरहेको म्याग्देली सांगितिक सौगातको अन्तिम तयारी स्वरुप जनवरी ३० तारिख आईतबार राजधानी सउलको तोङदेमुन शहरमा बस्ने भएको छ । यो बैठक कार्यक्रम आयोजनाको लागि बसिने अन्तिम नियमित बैठक हुने छ । भोलि सम्भवत: कार्यक्रमको लागि आबश्यक सम्पूर्ण सामाग्रीहरुको तयारी पूरा गरिने छ ।
त्यस्तै, गत हप्ता नमस्ते रेष्टुरेण्टमा आयोजना गरिएको म्याग्देली महाभेलाले कार्यक्रम सम्बन्धि कार्य बिभाजन गरेको छ ।

सबै कलाकारहरुको भिषा लाग्यो, ३१ वा १ तारिख कलाकारहरु कोरिया आई पुग्ने

2011-01-27T03:39:00.000-08:00

म्याग्दी समाज समिति दक्षिण कोरियाले आयोजना गर्न लागेको म्याग्देली सांगितिक सौगातका सम्पूर्ण कलाकारहरुको लागि नेपाल स्थित कोरियन एमबिसी बाट भिषा उपलब्ध भएको छ । म्याग्देली सांगितिक सौगातका लागि कोरिया आउने ६ जना र खगेन्द्र प्रतिस्थान केन्द्रको तर्फबाट साथमा कोरिया आउने २ जना गरि ८ जनाको आज भिषा उपलब्ध भएको हो । कार्यक्रममा नेपाल बाट कलाकारहरुको टोलि ३१ तारिख वा १ तारिख बिहान सम्मा ईन्छन बिमानस्थलमा आईपुग्ने छन ।

रेसुंगा भलिबल कपको टाईशिट तयार म्याग्दी समाज रेसुंगा क्लब सित भिंडने

2011-01-16T15:30:00.000-08:00

गुल्मी सम्पर्क समितिले आयोजना गर्न गईरहेको प्रथम रेशुंगा कप भलिबल खेल प्रतियोगिताको खेल टाईशिट हिजो आईतबार तयार भएको छ । १३ टीमले सहभागिता जनाउने यस खेलमा म्याग्दी समाज ए पोलमा रेशुंगा क्लब सित छैठौ खेल खेल्ने छ । यदि रेशुंगा क्लबलाई पछि पार्न सकेमा सिधै सेमिफाईनलमा पुगि नवलपरासी,बाग्लुङ,सुदुरपश्चिम,वा खोटाङ सित भिंडनु पर्ने छ ।

२० डिग्री चिसोको त्यो कठ्याङरिने जाडोमा समेत तात्दै छ म्याग्देली माहोल

2011-01-16T04:35:00.000-08:00

भरत तुलाचन

आज आईतबार कोरियाली भूमिको २० डिग्री चिसोको त्यो कठ्याङरिने जाडोमा पनि आगामी फेब्रुरी महिनाको २ तारिखमा आयोजना गर्न लागिएको म्याग्देली सांगितिक सौगातको माहोल तात्दै गईरहेको छ । कोरियाको महान पर्व सलनाल नजिकिदै गर्दा आज राजधानी सउलको तोङदेमुनको हरेक रेष्टुरेण्ट र गल्ली गल्लीहरुमा म्याग्दी समाजले आयोजना गर्न लागेको म्याग्देली सांगितिक सौगात र बिश्व चर्चित खगेन्द्र थापा मगरको Read More......

बारेमा नेपालीहरुले गरेको चर्चा परिचर्चाले म्याग्देली माहोल थप तात्दै गरेको कुरामा सहजै अनुमान लगाउन यस पंतिकारलाई खासै गाह्रो भएन । कार्यक्रमलाई सफल पार्न म्याग्देलीहरु खाई नखाई लागि परेका छन । कार्यक्रमको लागि आबश्यक तयारीहरु निरन्तर अगाडी बढिरेका छन । आगामी हप्ता अर्थात २३ तारिख आईतबार म्याग्देली महाभेलाको आयोजना गरिंदैछ । उक्त महाभेलामा कम्तिमा पनि कोरियामा रहेका म्याग्देली मध्य ८० % उपस्थिति हुन सक्ने संकेत छ । उता टिकट बिक्रीबितरणमा पनि म्याग्देलीहरु जोडडार खतिरेका छन । जे होस नेपालीहरुको आफनै गांऊ जस्तै मानिने राजधानी सउलको तोङदेमुन शहरमा म्याग्देली माहोल तात्दै छ , मानौं तोङदेमुन शहर र कोरियाली भूमिलाई म्याग्दीमय बनाउन तल्लिन भईरहेका छन कोरियामा रहेका म्याग्देलीहरु....................

२३ तारिख आईतबार म्याग्देली महाभेलाको आयोजना गरिने

2011-01-10T04:01:00.000-08:00

कोरियाको महान् पर्व आगामी सलनालको पहिलो दिन अर्थात फेब्रुरी २ तारिख बुधबारको दिन म्याग्दी समाज समिति दक्षिण कोरियाले आयोजना गर्न गईरहेको म्याग्देली सांस्कृतिक सौगात आयोजनाको कार्य बिभाजन र कार्यक्रमको अन्तिम तयारी गर्न म्याग्दी समाज समिति दक्षिण कोरियाले यसै महिनाको २३ तारिख आईतबारको दिन म्याग्देली महाभेलाको आयोजना गर्ने भएको छ । More..
हिजो आईतबार राजधानी सउलको छोङगाकमा बसेको कार्य समितिको बैठकले ३० तारिख आईतबारमा प्राय: सबै कम्पनीहरुले बिदा नदिन सक्ने सम्भावनालाई मध्यनजर गर्दै २३ तारिख आईतबार नै महाभेलाको आयोजना गर्ने निर्णय गरेको हो ।

यसै सूचनालाई आधार मानि कोरियामा रहेका सम्पूर्ण म्याग्देलीहरुलाई महाभेलामा अनिबार्य उपस्थित हुन आग्रह गरिएको छ । तर कार्य समितिको बैठक भने क्रमश: १६ र ३० तारिख समेत बस्ने छ । स्मरणिय रहोस, यसै महिनाको गत १ तारिख समेत म्याग्देली बृहत भेलाको आयोजना गरि सकिएको छ । १ तारिखको बृहत भेलाले चिठठी पत्र ,कार्यक्रमको प्रचार प्रसार लगायतका पहिलो चरणको तयारी समापन गरेको थियो । अब हुने महाभेलामा कार्यक्रम ब्यबस्थापन तर्फ जिम्मेवारी प्रदान र कार्यक्रमको अन्तिम तयारी गरिने छ ।

महाभेला हुने स्थान: तोङदेमुन शहर स्थित नमस्ते रेष्टुरेण्ट ।

समय : दिनको १ बजे ।

स्वर्गिय बिरु रोका सहयोगार्थ चन्दा संकलनको अन्तिम बिबरण सार्वजनिक

2011-01-09T07:10:00.000-08:00

गत महिनाको ५ तारिख आईतबा कोरियाली भूमिमा आकष्मिक निधन हुनु भएका म्याग्दी समाजका भुपु अध्यक्ष बिरु रोका ज्युको सहयोगार्थ संकलित चन्दा रकमको अन्तिम हिसाब आज म्याग्दी समाजको १३ औ बैठकले समापन गरेको छ । आजको मिति देखि स्वर्गिय बिरु रोका ज्युको सहयोगार्थ चन्दा संकलन कार्यलाई स्थगित गर्ने गरि गरिएको अन्तिम हिसाब अनुसार जम्मा संकलित चन्दा रकम र खर्च बिबरण यस प्रकार रहेको छ ।

जम्मा चन्दा संकलन- 115,68,100

जम्मा खर्च बिबरण- 60,20,000

बांकी रहन आएको रकम- 55,47,900

चन्दा संकलन बाहेक उहांको कम्पनीबाट तलव स्वरुप Read more>>>>>

प्राप्त , साथमा रहेको USD. , कोरियन ओन र नेरु.को एकमुष्ठ हिसाव घर परिवारलाई जानाकारी दिई सकिएको भएतापनि बैंक खातामा देखिन आएको केहि रकम नेपाली दुतावास मार्फत झिक्ने प्रयास भईरहेकोले बैंक र सरसापती मार्फतको सम्पूर्ण रकम असुल हुंदासाथ पोखरा स्थित घर परिवारलाई हस्तान्तरण गर्ने निर्णय भएको छ । त्यसको अलावा उहांको निजी सामानहरु गत हप्ता नेपाल पठाई सकिएको जानाकारी गराईन्छ । चन्दादाताहरुको नामावलि हेर्न भित्र जानुस

९ तारिख आईतबार कार्य समितिको बैठक यो महिना आईतबारहरुमा लगातार बैठक बस्ने

2011-01-05T03:30:00.000-08:00

बैठक स्थान:- तोङदेमुन डांडा गाऊं
समय :- १ बजे ।

म्याग्दी समाज समितिले आयोजना गर्न लागेको म्याग्देली सांगितिक सौगातको तयारी लगायत बिबिध बिषयहरु माथि छलफल गर्न यो महिनाको हरेक आईतबार म्याग्दी समाज कार्य समितिको बैठक बस्ने भएको छ । यसै महिनाको अन्तिम हप्ता कोरियामा रहेका सम्पूर्ण म्याग्देलीहरुको उपस्थितमा बृहत भेलाको आयोजना गरि कार्यक्रमको

लागि अन्तिम तयारी गरिने छ । हाल म्याग्देली सांगितिक सौगातमा भाग लिन कोरिया आउने कलाकारहरुको भीषा एप्लाई को लागि पास्पोर्ट लगायतका सामाग्रीहरु नेपालबाट मगाउने काम भईरेको छ । हिजो सम्म बिश्व चर्चित खगेन्द्र थापा मगरको पास्पोर्टको फोटोकपी ईमेल मार्फत प्राप्त भईसकेको छ ।

हिजो १ तारिख म्याग्देली बृहत भेला सम्पन्न,उत्साही म्याग्देलीहरुको उल्यख्य उपस्थिति

2011-01-02T02:32:00.000-08:00

म्याग्दी समाज समिति दक्षिण कोरियाले आयोजना गर्न लागेको म्याग्देली सांगितिक सौगातको तयारी सम्बन्धमा बिशेस छलफल गर्नको लागि हिजो १तारिख आयोजना गरिएको म्याग्देली बृहत भेलामा उल्यख्य उत्साही म्याग्देलीहरुको उपस्थिति भएको छ । राजधानी सउलको तोङदेमुन स्थित नमस्ते रेष्टुरेण्टमा आयोजना गरिएको बृहतभेलाको अध्यक्षता समाका अध्यक्ष नर बहादुर पुनले गर्नु भएको थियो । हिजोको भेलाले आगामी कार्यक्रमलाई

सफल पार्न खेल्नु पर्ने भूमिका लगायत बिबिध बिषयहरु माथि छलफल गरेको छ । हिजोको भेलाबाटै कोरियामा कृयाशिल संघ संस्थाहरु लगायत ब्यापार ब्यबसायीहरुलाई निमन्त्रणा सहितका चिठी पत्रहरु बितरण कार्य शुरु गरेको छ ।

१ तारिख शनिबार म्याग्देली बृहत भेलाको आयोजना गरिने,

2010-12-30T20:35:00.000-08:00

कोरियाको महान् पर्व आगामी सलनालको पहिलो दिन अर्थात फेब्रुरी २ तारिख बुधबार म्याग्दी समाज समिति दक्षिण कोरियाले आयोजना गर्न गईरहेको म्याग्देली सांस्कृतिक सौगात आयोजनाको तयारी लगायत प्रचार प्रसार र बिबिध बिषयहरुमाथि छलफल गर्न कोरियामा कार्यरत म्याग्देली बृहत भेलाको आयोजना गर्न गईरहेको छ । हाल कार्यक्रमको लागि पोष्टर,टिकट,चिठीपत्र लगायतका सम्पूर्ण सामाग्रीहरु तयारी अबस्थामा रहेकोले १ तारिख
बृहत भेला मार्फत बिक्री बितरणको लागि बांडफाड गरिने कुरा म्याग्दी समाजका अध्यक्ष नर बहादुर पुनले बताउनु भएको छ । राजधानी सउलको तोङदेमुन स्थित नमस्ते रेष्टुरेण्टमा आयोजना गरिने उक्त बृहत भेलामा उपस्थित हुन कोरियामा कार्यरत सम्पूर्ण म्याग्देलीहरुलाई हार्दिक अनुरोध गरिएको छ ।

स्थान- नमस्ते रेष्टुरेण्ट तोङदेमुन

समय- दिनको १२ बजे ।

म्याग्देली सांगितिक सौगातको लागि पोष्टर,टिकट लगायतका सामाग्री तयार, १ तारिख म्याग्देली बृहत भेलाको आयोजना गरिने

2010-12-29T02:21:00.000-08:00

कोरियाको महान् पर्व आगामी सलनालको पहिलो दिन अर्थात फेब्रुरी २ तारिख बुधबार म्याग्दी समाज समिति दक्षिण कोरियाले आयोजना गर्न गईरहेको म्याग्देली सांस्कृतिक सौगात आयोजनाको लागि आबश्यक पोष्टर,टिकट,चिठी पत्र लगायतका सामाग्रीहरु तयार भएका छन । लामो समय सम्म हलको अनिश्चितताले ब्रेक हुन पुगेको तयारी सामाग्रीहरु हलको निश्चितता संगै लेखन, डिजाईनिङ र

छपाई कार्यले निरन्त्रता पाएको हो । त्यस्तै म्याग्दी समाज समिति दक्षिण कोरियाले आगामी कार्यक्रमलाई सफल बनाउनको लागि बिबिध सरसल्लाहको लागि जनवरी १ तारिख शनिबार २ बजे सम्मा कोरियामा रहेका सम्पूर्ण म्याग्देलीहरुलाई बृहत भेलामा उपस्थित हुनहार्दिक अनुरोध गरिएको छ ।

म्याग्देली सांस्कृतिक सौगात आयोजनाको लागि हल तयार

2010-12-29T01:57:00.000-08:00

कोरियाको महान् पर्व आगामी सलनालको पहिलो दिन अर्थात फेब्रुरी २ तारिख बुधबार म्याग्दी समाज समिति दक्षिण कोरियाले आयोजना गर्न गईरहेको म्याग्देली सांस्कृतिक सौगात आयोजनाको लागि कठिन प्रयास पश्चात हलको ब्यबस्था गर्न सफल भएको छ । राजधानी सउल स्थित ५ नम्बर लाईनको फालसान श्टेशन नजिक
रहेको उक्त हल कोरियाको प्रशिद्द टिभी च्यानल केबिएसको निजी हल भएको जानाकारीमा आएको छ । म्याग्दी समाजका सल्लाहकार तथा एनआरएन अध्यक्ष बिनोद कुंवरको लामो प्रयास पछि उक्त हल मिलेको हो ।

यसै हप्ताको सोमबार सम्ममा हल निश्चित हुनसक्ने सम्भावना

2010-12-24T06:23:00.000-08:00

म्याग्दी समाज समाज समिति दक्षिण कोरियाले आयोजना गर्न लागेको सांस्कृतिक कार्यक्रमको लागि आबश्यक हल (कार्यक्रम स्थल) को लागि म्याग्दी समाजका सल्लाहकार तथा एन आर एन कोरियाका अध्यक्ष श्री बिनोद कुंवरज्यु जोड्डार खटिरहनु भएको छ । उहांको अनुसार डिसेम्बर २७ तारिख सोमबार सम्मा निश्चित हुने छ । हलको टुंगो लागे लगत्तै कार्यक्रमको लागि पोष्टर,टिकट लगायतका आबश्यक सामाग्रीहरु ३१ तारिख बिहिबार सम्मा तयार हुने भएको छ । कार्यक्रमको लागि पोष्टर,टिकट लगायतका सामग्रीहरुको डिजाईनिङ
र चिठी पत्रहरु तयारी अबस्थामा रहे पनि हलको टुंगो नलागेकोले आगामी सोमबार सम्मा हलको टुंगो लागे लगत्तै छपाई कार्य समापन र नयां बर्षो १ तारिख देखि टिकट बिक्री बितरण र प्रचार-प्रसार कार्यलाई अगाडी बढाईने छ । साथै कोरियामा रहेका सम्पूर्ण म्याग्देली

म्याग्देली सांगितिक सौगातको लागि विश्व चर्चित खगेन्द्र थापा मगर सहित छ जना कलाकार कोरिया आउने

2010-12-20T06:14:00.000-08:00

click here for big size

चर्चित कलाकारहरुको बेजोड प्रस्तुति - फेब्रुअरी २ तारिख

भरत तुलाचन (सचिव म्याग्दी समाज)

म्याग्दी समाज समिति दक्षिण कोरियाले आगामी सलनालको पहिलो दिन आयोजना गर्न लागेको सांस्कृतिक सौगातमा सहभागि हुने कलाकारहरुको सम्पूर्ण तयारी पूरा गरेको छ । जस्मा हालै गिनिज बुकमा संसारकै होचा ब्यक्तीको रुपमा नाम लेखाउन सफल भई बिश्व चर्चित बन्न पुगेका १८ बर्षिय खगेन्द्र थापा मगर सहित सांगितिक क्षेत्रमा अति चर्चित थप पांच जना

कलाकारहरु कोरिया आउने भएका छन । अन्य पांच जना कलाकारहरुमा हाल स्वदेश तथा बिदेशमा अत्यधिक चर्चामा रहेका पप-आधुनिक गायक शिव परियार, चर्चित नायिका गरिमा पन्त, लोक,आधुनिक,रिमिक्स गीतका अति लोकप्रिय गायिका अन्जना गुरुङ, नेपाली हांस्य फांटमा अमित छाप पार्न सफल हांस्य कलाकार तथा उद्घघोषिका दिपाश्री निरौला तथा चर्चित लोक दोहोरी गायिका कृष्ण परियार रहेका छन । कोरियाको महान् पर्व सलनालको पहिलो दिन अर्थात २०११ फेब्रुअरी २ तारिख बुधबारको दिन आयोजना गरिने उक्त सांगितिक सौगात आयोजना गर्नुको मूल उद्देश्य म्याग्दी जिल्लाको एक मात्र म्याग्दी अस्पतालमा अति आबश्यक आकष्मिक कक्ष (ईमर्जन्सी भवन ) निर्माण गर्नु रहेको छ ।

म्याग्दी समाजका भुपु अध्यक्ष स्वर्गिय बिरु रोका ज्युको आकष्मिक निधनले हामीलाई स्तब्ध बनाईरहेको यस दुखद घडीमा समेत सांगितिक सौगातको आयोजना गर्नै पर्ने बाध्यता म्याग्दी समाजलाई आईपरेको छ । जिल्लाको एक मात्र अस्पताल भवनमा आकष्मिक कक्षको अभाव खड्किरहेको परिप्रेक्षमा बिगत बर्षहरु देखि नै म्याग्दी समाज समिति दक्षिण कोरियाको तर्फबाट म्याग्दी अस्पताल परिसरमा नेरु १२ लाख सम्ममा आकष्मिक कक्षको निर्माण गरि सहयोग गर्ने बचन बद्दता गरिए अनुरुप भुपु अध्यक्ष स्वर्गिय बिरु रोका ज्युको सल्लाह मुताबिक अर्थ संकलनको सम्भावित बिभिन्न माध्यमहरुलाई समेटिएको थियो । जस मध्यको कोरियाको महान् पर्वहरु सलनाल र छुसकका कुनै पर्वमा नेपालबाट चर्चित कलाकारहरु ल्याई बृहत सांस्कृतिक कार्यक्रमको आयोजना गरि मुनाफा हुन आएमा आकष्मिक कक्षको निर्माणमा खर्च गर्ने रहेको थियो । जस अनुरुप म्याग्दी समाजले आगामी सलनालमा कार्यक्रम गर्न पाउने निश्चित समेत भयो । तर... आयोजनाको तयारी पश्चातको ३ हप्ता नबित्दै बरिष्ठ सल्लाहकार तथा भुपु अध्यक्ष बिरु रोका ज्युको आकष्मिक निधन संगै समाजका अन्य सकृय ३ जना सदस्यहरुलाई कोरियाली प्रहरीले स्वदेश फिर्ता गरि दियो । यस्तो दयनिय स्थितिमा समेत समाज सेवा संगै प्रवासी जीवन बिताउनु भएका स्वर्गिय बिरु रोका ज्युको सपना र म्याग्दी समाज र कोरियामा रहेका म्याग्देलीहरुको बचनबद्दतालाई पूरा गर्न यस सांगितिक सौगातको आयोजनालाई सकृय रुप दिने जमर्को गरेका छौ । तसर्थ कोरियाली भूमिमा रहेका सम्पूर्ण संघ संस्थाहरु,ब्यापारी,बुद्दीजीवी ,बिधार्थी लगायत प्रवासी दाजुभाई तथा दिदी बहिनीहरुले म्याग्देलीहरुको सलनालको सांगितिक सौगातलाई भरपूर सहयोग गरि सफल पारि दिनु हुन म्याग्दी समाज समिति दक्षिण कोरिया बिनम्र अनुरोध गर्दछ ।

सास्कृतिक सौगातका सम्पूर्ण कलाकारहरुको बिबरण भोलि सोमबार सांझ सम्म बाहिर ल्याईने

2010-12-19T06:16:00.000-08:00

म्याग्दी समाज समिति दक्षिण कोरियाले आगामी सलनालको पहिलो दिन अर्थात फेब्रुअरी २ तारिख आयोजना गर्न लागेको सास्कृतिक सौगातका सम्पूर्ण कलाकारहरुको बिबरण भोलि सोमबार सांझ सम्म बाहिर ल्याईने भएको छ । सास्कृतिक सौगातमा सहभागि हुन कोरिया आउने चर्चित कलाकारहरुको सम्पुर्ण तयारी बिगत २ हप्ता अगाडि भईसकेको भएता पनि म्याग्दी समाजका भुपु अध्यक्ष बिरु रोकाज्युको आकष्मिक निधनले सास्कृतिक सौगातका सम्पूर्ण कार्यक्रमहरु स्थगन गरिएको थियो । कार्यक्रमको लागि आबश्यक हलको टुंगो भने यसै हप्ता भित्र निश्चित हुने जानाकारी म्याग्दी समाजका सल्लाहकार तथा एनआरएन अध्यक्ष श्री बिनोद कुंवरले आज बताउनु भएको छ ।

स्वर्गिय बिरु रोका सहयोगार्थ चन्दा संकलन कार्य डिसेम्बरको अन्तिम दिन सम्म मात्र जारी रहने

2010-12-16T03:41:00.000-08:00

म्याग्दी समाज समिति दक्षिण कोरियाले भुपु अध्यक्ष स्वर्गिय बिरु रोका सहयोगार्थ चन्दा संकलन कार्य डिसेम्बरको ३१ तारिखको दिन अन्त गरिने भएको छ । आजको दिन सम्म ८१ जना म्याग्देली र ८२ जना शुभ चिन्तक प्रवासी दाजुभाई तथा दिदी बहिनीहरु गरि कूल १६३ जनाले स्वर्गिय बिरु रोका ज्युको सहयोगार्थ चन्दा प्रदान गरेका छन । आगामी जनवरीको पहिलो हप्ता सम्पूर्ण हरहिसाव गरि पार्थिव शरिरलाई अस्पताल देखि नेपाल पठाउंदा सम्म

भएको खर्च रकम चुक्ता गरि बांकी सहयोग रकम स्वर्गिय बिरु रोका ज्युको पोखरा स्थित परिवारलाई हस्तान्तरण गरिने छ । साथै स्वर्गिय बिरु रोका ज्यु यस भूमिमा कार्यरत रहंदा सर सापटी स्वरुप रकम लेनदेन गर्नु भएका महानुभावहरुले यथाशिघ्र छिटो जानाकारी गराई दिनुहुन म्याग्दी समाज समिति दक्षिण कोरिया हार्दिक अनुरोध गर्दछ ।

भुपु अध्यक्ष स्वर्गिय बिरु रोकाज्युको सम्झनामा श्रद्दान्जली सभा सम्पन्न

2010-12-12T07:12:00.000-08:00

कोरियाली भूमिमा आकष्मिक निधन हुनु भएका स्वर्गिय बिरु रोका ज्युको सम्झनामा आज आईतबार म्याग्दी समाज समिति तथा नेपाल मगर संघ दक्षिण कोरियाको संयुक्त आयोजनामा श्रद्दान्जली सभा सम्पन्न भएको छ । राजधानी सउलको सदेमुन स्थित एम टी युको सभा हलमा सम्पन्न श्रद्दान्जली सभामा कोरियामा कृयाशिल संघ संस्थाका प्रतिनिधिहरु लगायत शूभचिन्तक प्रवासी दाजुभाई र दिदीबहिनीहरु गरि १०० भन्दा बढिको उपस्थिति
रहेको थियो । सभामा नेपाल सम्पर्क समिति,एनआरएन,थकाली सेवा समिति,गोरखा परिवार,नेपाल कोरिया ब्यापार संघ,नेपालीजनसम्पर्क समिति,लमजुङ परिवार,पर्वत पर्वासी सेवा र नेपाल चलचित्र महासंघ,आदिवासी जनजाति महासंघ कोरियाका अध्यक्षहरु लगायत थुप्रै संघ संस्थाका प्रतिनिधिहरुको उपस्थिति रहेको थियो । दिनको २ बजे देखि शोक धुन बजाउंदै औपचारिक रुपमा सुरु गरिएको श्रद्दान्जली सभामा उपस्थित शुभ चिन्तक प्रवासी दाजुभाई तथा दिदी बहिनीहरुले अश्रुधारा का साथ स्वर्गिय बिरु रोका ज्युको चीर शान्तिको कामना गरे ।

स्वर्गिय बिरु रोकाको पार्थिव शरिर बिहिबार १२:४५ मा नेपाल पठाईयो, १२ तारिख आईतबार शोकसभाको आयोजना गरिने

2010-12-09T06:22:00.000-08:00

भरत तुलाचन, सउल कोरिया

गत आईतबार हृदयघाट हुन पुगि निधन हुनु भएका म्याग्दी समाज कोरियाका भुपु अध्यक्ष तथा बरिष्ठ सल्लाहकार स्वर्गिय बिरु रोकाज्युको पार्थिव शरिरलाई आज बिहान कोरियाली समयानुसार १२:४५ मा नेपाल पठाईएको छ । उहांको पार्थिव शरिरलाई भोलि शुक्रबार नेपाली समय मध्यान्ह १२ :४५ मा काठमाडौ स्थित त्रिभुवन बिमानस्थलमा उत्र्याईने भएको छ । पोखरा स्थित शोक सन्तप्त परिवारका केहि सदस्यहरु उहांको पार्थिव शरिरलाई बुझ्न

आजै काठमाडौं आई पुग्नु भएको छ । गत आईतबारको आकष्मिक बैठकमा भएको सोधखोज अनुसार आगामी मंगलबार सम्मा नेपाल पठाउन सकिने सम्भावनालाई सुचना बनाईए पनि जति सक्दो छिटो नेपाल पठाउन गरिएको प्रयासले आज बिहिबार नै सम्भव भएको हो । त्यस्तै यसै हप्ताको १२ तारिख आईतबारको दिन म्याग्दी समाज समिति दक्षिण कोरिया र नेपाल मगर संघ दक्षिण कोरियाको संयुक्त आयोजनामा स्वर्गिय बिरु रोकाज्युको सम्झनामा शोक सभाको आयोजना गरिने भएको छ । राजधानी सउलको सदेमुन स्थित एम टि युको सभा हलमा आयोजना गरिने उक्त शोक सभामा सम्पूर्ण शुभ चिन्तक प्रवासी दाजुभाई तथा दिदीबहिनीहरुलाई उपस्थित हुन नेपाल मगर संघ र म्याग्दी समाज समितिको तर्फबाट संयुक्त रुपमा अनुरोध गरिएको छ । स्मरणिय रहोस उहां नेपाल मगर संघ दक्षिण कोरियाका सल्लाहकार समेत हुनुहुन्थ्यो ।
स्थान: एम टि युको सभा हल (सदेमुन)
समय: दिनको १२ बजे देखि ।
आयोजक: म्याग्दी समाज समिति तथा नेपाल मगर संघ दक्षिण कोरिया ।

स्वर्गिय बिरु रोकाको पार्थिव शरिर राजधानी सउल स्थित सुन छन ह्याङ अस्पतालको शव गृहमा

2010-12-06T07:12:00.000-08:00

भुपु अध्यक्ष बिरु रोकाको पार्थिव शरिरलाई अहिले राजधानी सउल स्थित सुन छन ह्याङ युनिभर्सिटी अस्पतालको शव गृहमा ल्याईएको पुर्याईएको छ । उक्त अस्पतालमा जान र भेट्नको लागि तल उल्यखित ठेगाना र बाटो प्रयोग गर्न सकिने छ ।

सुन छन ह्याङ युनिभर्सिटी अस्पताल पुग्न यसरी जान सकिन्छ -

१ नम्बर लाईनको हेगी श्टेशनबाट योङसान सम्म चल्ने ट्रेन प्रयोग गरेमा हिंदेर पनि पुग्न सकिन्छ । त्यसकारण तपाई हेगी वा योङसानबाट छुङआङ सन (गाढा हरियो लाईन) चढ्नु भयो भने हानाम श्टेशनमा झर्नुस त्यहा बाहिर निस्कने गेट एउटा मात्र छ -तपाई सिधा अगाडी करिव ६ मिनेट पैडल हिडेर उक्त अस्पताल पुग्न सक्नु हुने छ । यदि तपाई ६ नम्बर लाईनको ईटेवन श्टेशनको ३ नम्बर गेटबाट बाहिर निस्की योङसान जाने १ नम्बरको माउल बस चढेर अस्पताल अगाडी पुग्न सकिने छ । त्यस पछि अस्पतालको शव गृह तर्फ जान सक्नु हुने छ ।

अध्यागमणमा बुझाई दिएका ३ जना म्याग्देलीहरु भोलि मंगलबार सांझ फ्लाईट हुने

2010-12-06T05:11:00.000-08:00

भुपु अध्यक्ष स्वर्गिय बिरु रोका संगै कार्यरत तथा कम्पनीको कोठामा संगै बस्ने म्याग्दी समाजका सल्लाहकार चिन बुदुजा, अर्का सल्लाहकार फक्त पुर्जा र म्याग्दी समाज टीमका भलिबल खेलाडी दल पुर्जालाई उक्त भाव बिह्हल घटनामा साधारण सोधपूछ पछि आईतबारै तिनै जनालाई प्रहरीले अध्यागमणमा बुझाई दिए पछि भोलि मंगलबार सांझ

नेपाल जानको लागि फ्लाईट तयार भएको छ । सम्भवत उहांहरु बुधबार नेपाल पुग्नु हुने छ । कोरियाली प्रहरीले यस्तो घटनामा हाल सम्म कहिल्यै पनि अध्यागमणमा बुझाएको रेकर्ड थिएन । एनआरएन कोरियाका अध्यक्ष बिनोद कुवरले उक्त घटनामा कार्यरत छुन्छन प्रहरी पोष्टमा फोन गरि अध्यागमणमा पठाउनुको कारण सोध्दा माथिको आदेश भनेर आलटाले प्रतिकृया दिएको जानाकारीमा आएको छ । कोरियाली सरकारको यो मानवअधिकार बिरुद्द र दुखद घटनाको बेला गरिएको यस्तो कार्यवाहीको जति नै घोर भर्तशना गरेपनि कमि होला ।

स्वर्गिय बिरु रोकाको पार्थिव शरिर आज सांझ ८:३० मा सउल आई पुग्ने, बिहिबारको दिन नेपाल पठाउने तयारी

2010-12-06T03:08:00.000-08:00

कोरियाको खावन्दो स्थित छुन्छन शहरमा हिजो आईतबार निधन हुनु भएका म्याग्दी समाजका भुपु अध्यक्ष बिरु रोका ज्युको पार्थिव शरिरलाई आज सांझ ८:३० बजे (नेपाली समय ५:१५ बजे) राजधानी सउल ल्याई पुर्याईने छ । आजै सांझ उहांको पार्थिव शरिरलाई राजधानी सउलको ईटेवन स्थित सुन छन ह्याङ तेहाक अस्पतालको शव गृहमा राखिने छ । साथै यसै हप्ताको बिहिबार सम्ममा नेपाल पठाउन सकिने सम्भावना रहेको छ ।

पार्थिव शरिरलाई आगामी हप्ताको मंगलबार सम्ममा नेपाल पठाईने, छुन्छन शव गृहबाट शव भोलि मंगलबार राजधानी सउल ल्याईने

2010-12-05T15:22:00.000-08:00

कोरियामा भएको यस भावबिह्हल परिस्थितिलाई कसरी नेपालको परिवारलाई सम्पर्क गर्ने ? भन्ने छलफल पश्चात सिधै घरमा खबर दिन नसकिएकोले हिजो आईतबार मध्यान्ह ११ बजे तिर ( स्वर्गिय बिरु रोकाज्युको दिदी काठमाडौ ) को फोन नम्बर पत्ता लगाईयो । मध्यान्ह ११ बजे तिर फोन सम्पर्क गरि उहांले नै सबै खबर पुर्याई दिनु भए

पश्वात नेपालमा सम्पर्क गर्नु पर्ने काम पूरा भयो । नेपालमा भएको पुन सम्पर्क पश्चात परिवारको तर्फबाट पार्थिव शरिरलाई जसरी तसरी नेपाल नै पठाईदिन अनुरोध गरिए अनुसार म्याग्दी समाजको आकष्मिक बैठकले एन सि सी अध्यक्ष देबित राई ज्युको सल्लाह अनुसार आगामी हप्ताको मंगलबार सम्ममा पार्थिव शरिरलाई नेपाल पठाउनको लागि तयारी गर्ने भएको छ । त्यस्तै छुन्छन प्रहरीको कानूनी प्रकृया पूरा गरि भोलि मंगलबार उहांको पार्थिवलाई राजधानी सउल ल्याईने भएको छ ।

चन्दा संकलन कार्य तिब्र रुपमा अगाडी, आजको चलचित्र प्रर्दशन कार्यक्रममा ४३४,००० ओन संकलन गरियो

2010-12-05T05:16:00.000-08:00

म्याग्दी समाजको आजको आकष्मिक बैठक पछि राजधानी सउलको चोङनो स्थित नेपाली चलचित्र प्रर्दशनी स्थलमा पुगेर स्वर्गिय बिरु रोका सहयोग स्वरुप चन्दा बक्स मार्फत चार लाख चौतिस हजार ओन संकलन गरिएको छ । म्याग्दी समाजका अध्यक्ष
लगायतका पढाधिकारीहरुको टोलि र अन्य शुभेच्छुकहरुको संयुक्त प्रयासबाट उक्त रकमा संकलन गरिएको हो । त्यस्तै अन्य जिल्लाका सुभेच्छुकहरुबाट समेत क्रमिक रुपमा आर्थिक सहयोग उपलब्ध गराई रहनु भएको छ । आजै गुल्मी सम्पर्क समितिको तर्फबाट एक लाख ओन पठाईदिने वाचा त्यस संस्थाका अध्यक्षले गर्नु भएको छ । आशा छ कोरियामा रहेका संघ संस्थाहरु र प्रवासी नेपालीहरुबाट म्याग्दी समाज र म्याग्देलीहरुलाई परेको यस दुखद घडीमा सहयोगको अपेक्षा गरिएको छ ।

कोरियामा रहेका प्रत्यक म्याग्देलीहरुबाट जनही पचास हजार ओन अनिवार्य उठाईने

2010-12-05T04:48:00.000-08:00

अकष्मात निधन हुनु भएका म्याग्दी समाजका भुपु अध्यक्ष तथा बर्तमान सल्लाहकार स्वर्गिय बिरु रोकाको सहयोगार्थ कोरियामा रहेका म्याग्देलीहरुबाट जनही अनिबार्य पचास हजार ओन संकलन गरिने आजको आकष्मिक बैठकले निर्णय

गरेको छ । तर पचासहजार भन्दा माथि दिन चाहाने शुभेच्छुकहरुलाई भने आफूखुशी गर्न भनिएको छ । चन्दा संकलनको लागि सजिलो होस भन्नाको खातिर म्याग्दी जिल्लालाई ६ भागमा बिभाजन गरिएको छ । जस्मा:

(१) उत्तरी भेग शिख,घार तथा वरपर - नारायण बरुवाल
(२) पश्चिमी भेग दरबाङ वरपर - भरत तुलाचन
(३) बेनी अर्थुङगे भेग वरपर - बाबुराम शर्मा,सुबाष श्रेष्ठ
(४) कुईने मंगले भेग- रत्न छन्त्याल
(५)रत्नेचौर वरपर- गोबिन्द रावल
(६)पाखापानी वरपर- कर्ण जिसी

संकलन गरिएको सहयोग स्वरुपलाई यसै ब्लग मार्फत नामावलि प्रकाशन गर्ने र यसै हप्ताको आईतबार सम्ममा सम्पूर्ण म्याग्देलीहरुले उक्त रकम अनिबार्य दाखिला गरि सक्नु पर्ने छ ।
चन्दा संकलन कार्य तिब्र रुपमा अगाडी, आजको चलचित्र प्रर्दशन कार्क्रममा ४३४,००० ओन संकलन गरियो
म्याग्दी समाजको आजको आकष्मिक बैठक पछि राजधानी सउलको चोङनो स्थित नेपाली चलचित्र प्रर्दशनी स्थलमा पुगेर सवर्गिय बिरु रोका सहयोग स्वरुप चन्दा बक्स मार्फत चार लाख चौतिस हजार ओन संकलन गरिएको छ । त्यस्तै अन्य जिल्लाका सुभेच्छुकहरुबाट समेत क्रमिक रुपमा सहयोग उपलब्ध गराई रहनु भएको छ । आजै गुल्मी सम्पर्कको तर्फबाट एक लाख ओन प्राप्त भएको छ ।आशा छ कोरियामा रहेका संघ संस्थाहरु र प्रवासी नेपालीहरुबाट म्याग्दी समाज र म्याग्देलीहरुलाई परेको यस दुखद घडीमा सहयोगको अपेक्षा गरिएको छ ।

पार्थिव शरिर छुन्छनको शव गृहमा, सोमबार मात्र सउल ल्याईने, सहकर्मी अन्य ३ जना म्याग्देलीहरुलाई अध्यागमणमा बुझाई दियो

2010-12-05T03:47:00.000-08:00

भरत तुलाचन,

मैले आज बिहान ६ बजे देखि लगातार हाम्रो भुपु अध्यक्ष स्वर्गिय बिरु रोकाज्युको स्थिति बारे यसै बल्ग मार्फत लाईभ अपडेट गरेको थिए । त्यसपछि ९ बजे म्याग्दी समाजको आकष्मिक बैठक संचालनको लागि तोङदेमुन तिर लागें । भावबिह्हल म्याग्देलीहरु लुम्बिनी रेष्टुरेण्टमा एकाएक

जम्मा भए । एनसिसी,एनआरएन र मगर संघर र थसेस अध्यक्ष ज्युहरुको प्रत्यक्ष उपस्थिति र म्याग्दी समाजका अध्यक्ष नर बहादुर पुनको अध्यक्षतामा आकष्मिक बैठक बिहान ९:३० देखि लगातार ४ घण्ट बस्यो । त्यतिखेर सम्म लगातार छुन्छन स्थित साथीहरु संग सम्पर्क भई रहेको थियो । करिव १० बजे स्वर्गिय बिरु रोका ज्युका सहकर्मी म्याग्देलीहरु भुपु सचिव फक्त पुर्जा,भुपु कोषाध्यक्ष चिन बुदुजा र म्याग्दी समाज खेलकूद समितिका सदस्य दल पुर्जालाई स्थानिय प्रहरीले अध्यागमणको जिम्मा लगाएको खबर आयो । मुर्छित म्याग्देलीहरुलाई थप चिन्तामा दुबाई दियो । बैठक स्थलबाटै छुनछन प्रहरी पोष्टमा सम्पर्क गरि लाश ल्याउन पाउने सम्बन्धमा सोधपूछ गर्दा कानूनी प्रकृया पूरा गर्नको लागि सोमबार सम्मको समय दिएको छ । त्यसकारण सोमबार सम्ममा लाशलाई राजधानी नजिकको तोङदेमुन नजिकको शब गृहमा सार्ने निर्णय भएको छ ।

नेपालमा घर परिवारलाई खबर पठाईयो, पार्थिव शरिरलाई १० दिन पछि नेपाल पठाईने

कोरियामा भएको यस भावबिह्हल परिस्थितिलाई कसरी नेपालको परिवारलाई सम्पर्क गर्ने ? भन्ने छलफल पश्चात सिधै घरमा खबर दिन नसकिएकोले ( स्वर्गिय बिरु रोकाको दिदी काठमाडौ ) को फोन नम्बर पत्ता लगाईयो । मध्यान्ह ११ बजे तिर फोन सम्पर्क गरि उहांले नै सबै खबर पुर्याई दिनु भए पश्वात नेपालमा सम्पर्क गर्नु पर्ने काम पूरा भयो । नेपालमा भएको पुन सम्पर्क पश्चात परिवारको तर्फबाट लाशलाई जसरी तसरी नेपाल नै पठाईदिन अनुरोध गरिए अनुसार म्याग्दी समाजको आकष्मिक बैठकले एन सिसी अध्यक्ष देबित राई ज्युको सल्लाह अनुसार आगामी हप्ताको मंगलबार सम्ममा पार्थिव शरिरलाई नेपाल पठाउन सकिने भएको छ ।

भावविह्हल अनुहारहरु बिहान ९ बजे

आकष्मिक बैठकको शुरुवात बिहान १० बजे

कोरियामा म्याग्देलीहरुलाई दर्दनाक चोट दियो भाविले, आज राति एक जना होनहार ब्यक्ती गुमायौं

2010-12-04T14:28:00.000-08:00

By Bharat Tulachan,seoul jegidong
समय बिहान ७:०० बजे

आंखाभरि आंशु लिएर यो अति दु:खको खबर लेख्दै छु, म्याग्देलीहरुलाई दर्दनाक चोट परेको छ ,बोल्ने र लेख्ने शब्दहरु छैनन .........................................................

म्याग्दी समाजका भुपु अध्यक्ष, समाज सेवी बिरु रोका ज्यु आज बिहान रहनु भएन भन्ने खबर आएको छ । उहां हिजो सांझ काम गर्ने ठाऊं छुन्छन( सउल देखि २ घण्ट टाढा) मा खाना खाएर साथीभाई संग संगै सुत्नु भएको थियो रे आज बिहान साथीभाईले उठाउंदा मृत अबस्थामा भेटिनु भएको खबर आएको छ ।

अपडेट बिहान ७:३०

अहिले लगातार सहयात्री साथीहरु चिन बुदुजा म्याग्दी र फक्त पुर्जा म्याग्दीसंग सम्पर्क भई रहेको छ - उहांहरुको अनुसार केहि समय अगाडि प्रहरी र ११९ को गाडी रुममा आएको छ ।
अपडेत बिहान : ८:०० बजे
अहिले ११९ को गाडीमा नजिकको अस्पतालमा चेकिङको लागि लगिदै छ । प्रहरीले साधारण सोधपूछ गरि सकेको छ । हामीले चेकिङ पश्चात राजधानी सउल ल्याउन जोड गरिरहेका छौ । अहिले समाजका अध्यक्ष, एन आरएन अध्यक्ष ,एन सिसी अध्यक्ष संग कुराकानी भई रहेको छ ।
अपडेट बिहान ८:४५
साथीहरु अहिले छुनछन अस्पताल परिसरमा छन । पार्थिव शरिरको चेकिङ भईरहेको छ । २ जना बाहिर गाडीमा बसिरहेका छन भने १ जना भित्र प्रहरी सित संगै छन । छुन्छन प्रहरीले रिपोर्ट तयार पार्दै छ । हामीले अझै सउल ल्याउनु पर्नेमा जोड दिई रहेका छौं । नेपालको घरपरिवारमा खबर गर्नु पर्ने भावबिह्हल अबस्थामा खबर गर्ने आंट सम्म गर्न सकिएको छैन । काठमाडौ बस्नु हुने दिदी मार्फत खबर गर्ने तयारी भईरहेको छ । उता पार्थिव शरिरलाई सउल ल्याउने नल्याउने कुराको निश्वित अब केहि समय पश्चात हुनेछ । घरमा उहांको धर्मपत्नी,२ छोरी,बुवा आमा हुनुहुन्छ । ठूलो छोरी आईए पास गरेर पुन: यसपालि नर्शरीमा नाम निकाल्न सफल भई नर्शिङ ज्वाईन भईसकेकि छिन । ११ बर्षकी सानी छोरी ५ कलासमा पढ्दै छिन । म्याग्दीको मुडी स्थाई घर भई करिव १५ बर्ष अगाडी देखि आफ्नो परिवार पोखरा बसोवास गर्दै आउनु भएको थियो । उहां १९९२ सालमा कोरिया आई ६ बर्ष पछि नेपाल फर्कनु भएको थियो । डेढ बर्ष नेपाल बसेर रोजगारको लागि पुन: कोरिया आउनु भएको उहां पछिल्लो पटक कोरिया आएको पनि ८ बर्ष पूरा भएर नवौ बर्षमा चलि रहेको थियो ।
बिहान १० बजे,
रुम पार्टनर सहयात्री म्याग्देली साथीहरु चिन बुदुजा , फक्त पुर्जा र दलु पुर्जालाई छुन्छन प्रहरीले अबैध भएको आरोपमा अध्यागमणमा बुझाई दिएको खबर छ ।

किन गर्दै छ म्याग्दी समाज समिति दक्षिण कोरियाले फेब्रुअरी २ तारिखमा कार्यक्रम

2010-12-01T11:48:00.001-08:00

बाबुराम शर्मा सउल,कोरिया
सन् २०११ फेब्रुअरी २ तारिख कोरिया को दोश्रो ठुलो महान चाड सलनालको अवसर पारेर म्याग्दी समाज समिति दक्षिण कोरियाले भब्य सास्कृतिक कार्यक्रम गर्ने भएको छ . यसकोलागी नेपालबाट आउने कलाकारहरुको पनि निच्श्चित भैसकेको छ . सलनालको अवसर पारेर ३ ओटा संघ सस्थाले कार्यक्रम गर्दै छन् . बर्षेनी नेपालबाट कलाकार हरु ल्याएर कार्यक्रम गर्ने फेसन जस्तै भैसकेको छ ।
कोरिया मा . विभिन्न बाहानामा कार्यक्रम गर्ने अनि आर्जन गरेको रकम जुन बहानामा कार्यक्रम गरिन्छ त्यसमा खर्च भने कमै संघ सस्थाले गर्ने गरेको पाइएको छ. च्याउ सरि उम्रिएका छन् अहिले संघ सस्थाहरु कोरिया मा जात जाति जिल्लाबासी राजनीतिक विभिन्न बहानामा धेरै संघ सस्थाहरु संचालित छन् कोरिया मा कोहि ले मापदण्ड पुरा गरेका छन् भने कोहिले आफु खुसि संचालन गरिरहेका छन् . तर जेहोस जुन बहाना मा संघ सस्थाहरु खोलिए पनि माइ खाने भाडो नबनाइयोस धेर थोर जति सकिन्छ आफु जन्मेको जन्मभूमि प्रति केहि योगदान दिन सके कहिले पनि अरुको भनाइ भने पक्कै पनि खानु पर्ने छैन .

किन म्याग्दी समाज समितिले आउदो फेब्रुअरी २ तारिख क़ा दिन कार्यक्रम गर्दै छ. हजुरहरुको चासोको बिषय पनि हुन सक्छ . म्याग्दी जिल्ला भौगोलिक बिबिधताले भरिपुर्ण र सरकारी पहुच वाट पछाडी परेको जिल्ला हो म्याग्दी. यहाको शिक्षा र स्वास्थ्य मा सरकारको नजर त्यति गएको पाइदैन . एउटा जिल्ला अस्पताल छ त्यहिँ पनि भौतिक सामाग्री बिहिन, प्रयाप्त आकस्मिक कक्ष समेत छैन यो अस्पतालमा . यो अबस्थाले गर्दा बिरामीले अकालमै ज्यान गुमाउनु परेको छ. यो पीडालाई मध्यनजर गर्दै सम्पूर्ण कोरियामा रहनुहुने म्याग्देलीहरु र म्याग्दी समाज समिति अब म्याग्दी जिल्ला अस्पतालमा केहि गर्नु पर्छ भनेर लागि परेका हौ यसै मुताबिक म्याग्दी जिल्ला अस्पतालको पत्र अनुसार आकस्मिक कक्ष निर्माणको लागि म्याग्दी समाज ले यो कार्यक्रम गर्दै छ. यो कार्यक्रम बाट नै हामीले सम्पूर्ण रकम जुटाउन सकिन्छ भन्ने नै होइन . यो कार्यक्रम वाट धेरै आम्दानि हुन्छ नै भन्ने पनि त छैन .तर म्याग्दी समाज भने पछि हट्ने छैन . यहि कार्यक्रम मा हजुरहरुको न्यानो माया पाइयो भने धेर थोर आम्दानि गर्न सफल हुने छौ. यो भन्दा अगाडी भलिबल आयोजना गरेर केहि रकम आर्जन गरिसकेका छौ . सो आकस्मिक कक्ष निर्माण गर्नको लागि नेपालि रुपैया १५ लाख लाग्ने अनुमान गरिएको छ.

सो आकस्मिक कक्ष निर्माण भयो भने धेरैले अकालमा भने पक्कै ज्यान गुमाउनु पर्ने छैन.

यदि हजुरहरुलाई म्याग्दी समाज समिति प्रति बिस्वास लाग्दैन भने तलको पत्र हेर्नुहोस . यो पत्र बाटनै प्रस्ट हुन्छ कि म्याग्दी समाजले किन यो कार्यक्रम गर्दै छ भनेर.तसर्थ हजुरहरुको सहयोगी पाइला अबस्य पनि फेब्रुअरी २ तारिखको कार्यक्रम मा लम्कने छन् भन्ने मा हामि आसाबादी छौ .

म्याग्देली सास्कृतिक सौगातको प्राय: सबै कलाकारहरु निश्चित

2010-11-30T03:19:00.000-08:00

म्याग्दी समाज समिति दक्षिण कोरियाले आगामी सलनाल पर्वको पहिलो दिन आयोजना गर्न गईरहेको म्याग्देली सांस्कृतिक कार्यक्रमको लागि पप, लोक पप, रिमिक्स, लोक दोहोरी,हास्य गरि ६ जना कलाकार भित्र्याउने तयारी गरि रहेको छ । जसको लागि गत हप्ताका दुई आईतबार म्याग्दी समाजको कार्य समितिको बैठक बसि ६ जना कलाकारहरुको छनोट गरि छनोट गरिएका कलाकारहरु संगको सम्पर्क कार्य समेत अन्तिम चरणमा पुगेको छ । उक्त कार्यक्रममा सहभागि हुने कलाकारहरु प्राय: सबै नयां अनुहारका छन । यताबाट नेपालमा कलाकारहरु संग सम्पर्क गरिसकेको भएता पनि कलाकारहरु संग हुने अन्तिम सम्झौता पछि मात्र सम्पूर्ण कलाकारहरुको बारेमा यसै ब्लग मार्फत सार्वजनिक गरिने भएको छ ।